«Ժամանակակից լուսանկարչության կանադական թանգարան»–ի խմբագրումների տարբերություն
Նոր էջ «{{Տեղեկաքարտ Թանգարան |անվանում = Կանադական ժամանակակից լուսանկարչության թանգարան |բնագիր անվան...»: |
(Տարբերություն չկա)
|
17:36, 19 Ապրիլի 2018-ի տարբերակ
Կանադական ժամանակակից լուսանկարչության թանգարան (անգլ.՝ Canadian Museum of Contemporary Photography), դաշնային ենթակայության կանադական կառույց, որը ստեղծվել է լուսանկարչական պատկերների հավաքի, ցուցադրման և ժողովրդականացնելու նպատակով։ Թանգարանի հավաքածուն, որը ներառում է 160 հազար ցուցանմուշ (2009 թվականի դրությամբ), հավաքվում է Երկրորդ համաշխարհային պատերազմի ժամանակներից, սակայն պաշտոնապես թանգարանը հիմնադրվել է 1985 թվականին։ 1992 թվականից մինչև 2009 թվականը ուներ իր սեփական տարածքը, ներկա դրությամբ թանգարանին տարածքը տրամադրում է Կանադայի ազգային պատկերասրահը։
Կանադական ժամանակակից լուսանկարչության թանգարան | |
|---|---|
 | |
| Տեսակ | պատկերասրահ |
| Երկիր | Կանադա |
| Տեղագրություն | Օտտավա |
| Վայր | Սասեքս դրայվ |
| Ղեկավարության նստավայր | Օտտավա, Կանադա |
| Հիմնադրվել է | 1985 |
| Կայք | cmcp.gallery.ca |
 | |
 | |
Պատմություն
1941 թվականին Կանադայի կինեմատոգրաֆիայի ազգային խորհրդի հովանու ներքո (անգլ.՝ National Film Board of Canada, NFB) ստեղծվել է լուսանկարչության բաժինը (անգլ.՝ Sill Photography Division)։ Ի սկզբանե բաժնի խնդիրը լուսանկարչական աշխատանքների վրա պետական պատվերների բաշխումն էր, սակայն 70-ական թվականներին նրա հետաքրքրությունների կենտրոնում հայտնվեց գեղարվեստական լուսանկարչական աշխատանքների հավաքածուների հավաքը։ 1984 թվականին Բրայան Մարլունիի պահպանողական կառավարությունը բաժինը Կանադական ժամանակակից լուսանկարչության թանգարան դարձնելու որոշում է կայացրել, որը Կանադայի ազգային պատկերասրահի դուստր կառույցն է։ Թանգարանի առաջին տնօրենն է դարձել Մարտա Լենգֆորդը։ Նոր թանգարանի խնդիրն էր հանդիսանում Կանադայի ժամանակակից փաստագրական և գեղարվեստական լուսանկարչության ժողովրդականացումը[1]։ Կապի նախարար Մարսել Մասսեն խոսք էր տվել, որ նոր թանգարանը իր սեփական տարածքը կստանա Օտտավայի կենտրոնում[2]։
Մասսեի խոստումը կատարվել է 1992 թվականին, երբ թանգարանը ստացել է իր նոր տարածքը, որը գտնվում էր Ռիդո ջրանցքի և Շատո-Լորյե գրանդ հոթելի մոտ։ Շինությունն իրենից ներկայացնում էր վերանորոգված երկաթուղային թունելի հատված[3]։ Ցուցանմուշները տեղակայված էին երթևեկելի հատվածից ներքև, իսկ վերևում գտնվում էր մուտքը և զբոսասրահը, որոնք իրականացված էին ճարտարապետական ոճով, որը նման էր «Շատո-Լորյե» ոճին։ 1994 թվականին թանգարանի տնօրենի պաշտոնը զբաղեցրեց Մարտա Խաննան։
2006 թվականի հոկտեմբերին վերականգնողական աշխատանքների հետ կապված շինությունը փակվել է այցելուների համար։ Ցուցանմուշները տեղափոխվել են Ազգային պատկերասրահի շենք[4]։ Վերանորոգման աշխատանքները սկսվել են Ռիդո ջրանցքի մոտ գտնվող ստորգետնյա թանգարանի սրահներում առաստաղի հոսի պատճառով, սակայն երկու ու կես տարի անց՝ 2009 թվականի մարտին հայտնել են, որ թանգարանը չի կարող վերադառնալ իր նախկին շինություն։ Այդ որոշումը կապված էր խորհրդարանի շենքերի վերանորոգման աշխատանքների հետ կապված և նախկին թանգարանի շինությունը պետք է օգտագործվեր Համայնքների պալատի գրասենյակների և կոմիտեների նիստերի սենյակների համար[2]։
Հավաքածու
2009 թվականին Կանադական ժամանակակից լուսանկարչության թանգարանում հաշվվում էր 160 հազար ցուցանմուշ՝ այդ թվում 17 հազար տպվածք և մուլտիմեդիոն ստեղծագործություններ, ինչպես նաև նեգատիվներ և Ազգային խորհրդի ֆոնդից շրջանառվող ֆոտոնյութեր, որոնք թվագրվում են 1962 և ավելի ուշ տարիներին (ավելի վաղ նյութերը գտնվում են Կանադայի գրադարանի և արխիվի պահոցներում)։
Թանգարանի հավաքածուներում ներկայացված են հարյուրավոր լուսանկարիչ-նկարիչների աշխատանքներ, որոնք հնարավորություն էին տալիս տարեկան չորս ցուցահանդես կազմակերպել՝ ինչպես անհատական, այնպես էլ կոլեկտիվ։ Այս ցուցանմուշները ցուցադրվում են ոչ միայն Օտտավայում, այլ նաև Կանադայի այլ քաղաքի թանգարաններում։
Ծանոթագրություններ
- ↑ Carol Payne. «Canadian Museum of Contemporary Photography» (անգլերեն). The Canadian Encyclopedia. Արխիվացված է օրիգինալից 2012-12-17-ին. Վերցված է 2012-10-17-ին.
- ↑ 2,0 2,1 Randy Boswell. (March 29, 2009). «No photos please». National Post. Արխիվացված է օրիգինալից 2012-12-17-ին. Վերցված է 2012-10-17-ին.
- ↑ Канадский музей современной фотографии на сайте Ottawamuseums.com (անգլ.)
- ↑ «The Canadian Museum of Contemporary Photography is temporarily closed». National Gallery of Canada. October 3, 2006. Արխիվացված է օրիգինալից 2012-12-17-ին. Վերցված է 2012-10-17-ին.
Արտաքին հղումներ
- Carol Payne. «Canadian Museum of Contemporary Photography» (անգլերեն). The Canadian Encyclopedia. Արխիվացված է օրիգինալից 2012-12-17-ին. Վերցված է 2012-10-17-ին.
- Национальная галерея Канады и Канадский музей современной фотографии на сайте Национальной столичной комиссии (անգլ.)