«Քարավազք Արաքսի»–ի խմբագրումների տարբերություն

'''Քարավազք Արաքսի''', [[Որդուար]]ի մերձակայքից մինչ [[Մեղրի]] հոսող [[Արաքս]] գետի հատվածը միջնադարում այդպես է անվանվել: Արաքսն այդ մասում հոսում է քարքարոտ ժայռաշղթաների նեղ կիրճով և համարյա զուրկ է բուսականությունից: Այս մասում գետն ունի քարավազոտ ափեր և համեմատաբար արագ է հոսում: Երկրաբանական գիտությունների համաձայն` որպես Արաքսի հովտի մի մաս` [[Նախիջևանի գավառ|Նախիջևան]]ի արաքսամերձ տարածքը խոր հնադարում ծածկված է եղել ջրի տակ: Ըստ ուսումնասիրման արդյունքների` Նախիջևանի տարածքում տարածված են եղել մեծ և փոքր լճեր՝ Արաքսի երկարությամբ: Իսկ մեծ ու փոքր լեռնաճյուղերը, որոնք ձգված են եղել Արաքսի ընթացքին ուղղահայաց, դրանց միջև կազմել են ամբարտակների շարքեր, որոնք աստիճանաբար սկսվել են քայքայվել հազարամյակների ընթացքում: Արաքսի ընթացքը մինչև Որդուար քաղաքի մերձակայքը՝ Դարուա և [[Քամքու]] լեռների փեշերը, ձևավորվել է լճերի մակերևույթների աստիճանաբար իջնելու հետևանքով: Այդ երկու ապառաժոտ լեռները իրարից բաժանվել և երկու մասի են բաժանվել երկրաշարժների պատճառով: Արաքսը շարունակում է իր ընթացքը այդ խորը ու նեղ կիրճով և հետագայում ստացել է ''Քարավազք'' անվանումը<ref>{{Գիրք:ՆԲՊՀ|52}}</ref>: