«Նորածինների ծննդաբերական վնասվածքներ»–ի խմբագրումների տարբերություն

'''Նորածինների ծննդաբերական վնասվածքներ''', պտղի օրգանների և [[հյուսվածք]]ների վնասումները՝ ծննդաբերության ընթացքում։ Պայմանավորված է ծննդաբերական արտամղող ուժերի (կծկումներ, ճիգեր) և պտղի հյուսվածքների առաձգականության միջև եղած անհամապատասխանությամբ։ Նախատրամադրող պատճառներն են՝ հղիության թունավորումները, մոր կրած հիվանդությունները (սիրտ-անոթային համակարգի, վարակիչ և այլն), [[նյութափոխանակություն|նյութափոխանակության]] խանգարումները, վաղաժամ և ուշացած ծննդաբերությունները և այլն։ Հիմնական դեր է կատարում պտղի ներարգանդային [[ասֆիքսիա]]ն։ Առավել հաճախ հանդիպում են ներգանգային [[արյունազեղում]]ներ, [[անրակ]]ի և ուսագոտու ոսկրերի կոտրվածքներ, [[հոդախախտ]]ումներ, [[Բազկահյուսակի ծննդաբերական կաթված|բազկահյուսակի ծննդաբերական (նորածնային) կաթված]] կամ լուծանք և դիմային նյարդի կիսալուծանք։ Կլինիկական նշանակություն ունեն ներգանգային ծննդաբերական վնասվածքները, որոնք ուղեկցվում են կենտրոնական նյարդային համակարգի վնասումներով ([[գլխուղեղ]]ի այտուց, ներգանգային արյունազեղումներ և այլն)։