«Նիկոլա Լուի Լակայլ»–ի խմբագրումների տարբերություն

'''Նիկոլա Լուի Լակայլ''' ({{lang-fr|Nicolas-Louis De la Caille}}, {{ԱԾ}}), ֆրանսիացի [[վանահայր]], [[աստղագետ]]:

Ծնվել է Ֆրանսիայի Ռումինի քաղաքում: Փարիզի Քոլեջ Դե Լիզում ({{lang-fr|Collège de Lisieux}}) ուսումնասիրել է հռետորություն և փիլիսոփայություն, այնուհետև Նավարական քոլեջում՝ աստվածաբանություն: Ստացել է վանահոր պատվավոր կոչում: Աստղագիտություն ուսումնասիրել է ինքնուրույն: Ճշտգրիտ գիտությունների հանդեպ սերը օգնեց նրան կայացնել որոշում Փարիզ տեղափոխվելու մասին, որտեղ Կասինիի և Ֆուշիի հետ ծանոթությունը օգնեց նրան [[1736]] թվականին տեղ ստանալ Փարիզյան աստղադիտարանում: [[1739]] թվականին Ֆրանսիայում Լակայլը զբաղվում է աստիճանային չափումների ուսումնասիրություններով Փարիզից մինչև Պերպինյան և նշանակված է եղել մաթեմատիկայի պրոֆեոր Չորս Ազգերի քոլեջում (Մազարինի քոլեջ): Այստեղ նա ամբողջ լսարանի համար պատրաստել էր դասագրքեր [[մաթեմատիկա]], [[աստղագիտություն]] և [[մեխանիկա]] առարկաներից:

1741 թվականին Լակայլը դարձել է Ֆրանսիական Գիտությունների Ակադեմիայի անդամ: 1750 - 1754 թվականներին Լակայլն անցկացրել է հարավային կիսագնդում, Իլ Բուրբոն և Իլ-դը-Ֆրանս կղզիներում, որոշել է Լուսնի տրամագիծը, չափել [[զենիթ]]ի աղեղը [[հարավային Աֆրիկա]]յից և որոշել շուրջ 10000 աստղերի դիրքը հարավային կիսագնդից և հաշվարկել 1942 աստղերի դիրքերը, որոնք կցել է նախնական կատալոգին: Լակայլը ավարտին է հասցրել հարավային երկնքի բաժանումը համաստեղությունների, որը սկսել էր հոլանդացի ծովագնացը մոտավորապես 1600 թվականին: Առանձնացրել է 14 նոր համաստեղություններ և տվել նրանց անուններ: 1751-1752 թվականների ընթացքում կատարել է [[Լուսին|ԼուսնԼուսնի]]ի, [[Մարս (մոլորակ)|Մարս]], [[Վեներա (մոլորակ)|Վեներա]] մոլորակների բազմաթիվ հետազոտություններ: Ստացավ Արեգակնային պարալաքսի արժեքը՝ (9.5"), որը ավելի մոտ էր ժամանակակցին: Մասնակցել է Փարիզյան աստղադիտարանի մի շարք գեոդեզիական աշխատանքների:

1738 թվականին Դ. Մարալդի հետ կատարեցին Ֆրասիայի ափերի քարտեզագրում [[Նանտ]] և Բայոնոյ քաղաքների միջև: 1739-1741 թվականներին Ֆրանսիայի տարածքում իրականացրեց զենիթի մեծ աղեղի չափումներ, ցույց տալով, որ Երկրագնդի [[հասարակած]]ային [[շառավիղ]]ը մեծ է բևեռայինից: Առաջին անգամ զենիթի աղեղի չափումները կատարել է Աֆրիկայում: Կազմել է քարտեզներ և ճիշտ որոշել Մավրիկի, Ռեյունյոն և [[Համբարձման կղզի|Համբարձման կղզիներ]]իների ճիշտ աշխարհագրական դիրքը: Կազմել է մթնոլորտային բեկման մանրամասն աղյուսակը, հաշվի առնելով մթնոլորտային ճնշումը և եղանակային փոփոխությունները: Կազմել է մեր թվարկությունից առաջ մինչև 1800-ական թվականների [[խավարում]]ների աղյուսակը: Գրել է մաթեմատիկայի (1741), մեխանիկայի (1743), աստղագիտության (1746) և օպտիկայի (1756) դասագրքեր:

* [[Վառարան (համաստեղություն)|Վառարան]], [[Կարկին (համաստեղություն)|Կարկին]], [[Աստղադիտակ |Աստղադիտակ]], [[Անկյունակապ (համաստեղություն)|Անկյունակապ]], [[Ողնուց]], [[Նավախել]], [[Առագաստներ (համաստեղություն)|Առագաստներ]], [[Կողմնացույց (համաստեղություն)|Կողմնացույց]], [[Պոմպ (համաստեղություն)|Պոմպ]], [[Օկտանտ (համաստեղություն)|Օկտանտ]], [[Դանակ (համաստեղություն)|Դանակ]], [[Ցանց (համաստեղություն)|Ցանց]], [[Քանդակագործ (համաստեղություն)|Քանդակագործ]], [[Սեղանաձև լեռ]], [[Ժամացույց (համաստեղություն)|Ժամացույց]]:

1935 թվականին [[Միջազգային աստղագիտական միություն|Միջազգային աստղագիտական միություն]]ը Լակայլի անունով կոչեց Լուսնի երևացող կողմի [[խառնարան]]ներից մեկը: