[[Պատկեր:میدان نقش جهان از فراز عمارت عالی قاپو.jpg|մինի]]
1598 թ., երբ Սեֆյան դինաստիայի շահ Աբբաս I-ը ([[Շահ Աբաս]]) որոշեց մարաքաղաքըմայրաքաղաքը [[Ղազվին]]ից տեղափոխել Սպահան, որը գտնվում էր երկրի կենտրոնական շրջանում, որոշվեց ամբողջությամբ վերակառուցել և վերապլանավորել նոր մայրաքաղաքը: Որոշվեց քաղաքի կենտրոնական և հիմնական մասը կառուցել [[Զայանդեռուդ գետ]]ի աջ ափին: Քաղաքի գլխավոր ճարտարապետը փիլիսոփա և պոետ Շեյխ Բահաադին Ալ Ամիլին էր: Քաղաքի կառուցման ամենագլխավոր պլաններից էին Նախշե ջահան հրապարակը և [[Չահարբաղ]] փողոցը (թարգմանաբար` չորս այգի): Նախշե ջահան հրապարակը դարձավ քաղաքի կենտրոնը, որի շուրջն էլ կառուցվեցին Սպահանի ճարտարապետական գլուխգործոցների մեծ մասը: Շահ Աբբասի հրամանով, պետական, կրոնական և ուսումնական հաստատությունների մեծ մասը կառուցվեցին հրապարակի շուրջը: Ինքը` Շահ Աբբասը, բնակվում էր հրապարակի արևմտյան մասում տեղակայված [[Ալի Ղափու պալատ]]ում:
