«Ֆորտ Բոյար»–ի խմբագրումների տարբերություն

Շինարարությունն ի վերջո սկսվում է [[1801]] թվականին՝ [[Նապոլեոն 1]]–ի օրոք՝ Ռոշֆոր քաղաքի մատույցները բրիտանացիների հարձակումներից պաշտպանելու համար։ Այն ժամանակներում հրետանու հեռահարությունը կարճ էր, իսկ երկու կղզիների հեռավորությունն ավելի մեծ էր, որը հնարավորություն չէր տալիս ափին դրված հրետանուն, կրակի տակ պահել նեղուցը։ Ֆորտի շինարարությունն իրականացվում էր քարերով, որոնք դրվում էին անմիջապես ծովի հատակին։ [[1809]] թվականին ամրության շինարարությունը կանգ է առնում տեխնիկական դժվարությունների պատճառով (քարերը իրենց իսկ ծանրությունից ընկղմվում էին տիղմի շերտերում)։ Շինարարությունը վերսկսվեց [[1837]] թվականին՝ [[Լուի Ֆիլիպ]]ի գահակալության օրոք, երբ [[Անգլիա]]յի հետ հարաբերությունները կրկին լարվեցին։ Ամրության շինարարությունը տևեց 20 տարի, [[1857]] թվականին այն արդեն պատրաստ էր։ Երբ շինարարությունն ավարտվեց, հրետանու հեռավորությունն արդեն կտրուկ ավելացել էր և ամրության նշանակությունը որպես ռազմական հենակետ նվազեց։

[[1913]] թվականին Ֆորտը լիովին կորցնում էր ռազմավարական նշանակությունը։ [[Երկրորդ համաշխարհային պատերազմ]]ի օրոք գերմանացիներն այն օգտագործում էին որպես հրաձգարան, ինչով էլ մեծ վնաս հասցրեցին շինությանը։ Հետագա 80 տարիներին նախկին ամրությունը լիովին լքված վիճակում էր և աստիճանաբար քայքայվում էր ծովի, քամու և ծովային թռչունների կողմից։ [[1962]] թվականին Ֆորտ Բոյարն աճուրդի է հանվում՝ 7500 [[ֆրանկ]] նախնական արժեքով։ Հիմնական պայքարը ծավալվում է ատամնաբույժ [[Էրիկ Էրտի]] և Ֆորտ Բոյարի ընկերների միության նախագահի միջև։ Ի վերջո, Էրտը վճարում է 28 000 ֆրանկ (իր մրցակցից 3 000 ֆրանկ ավելի) և ձեռք բերում Ֆորտը՝ որպես սեփականություն։ Սակայն, նա շինության վերականգնման համար միջոցներ չուներ։ Իսկ տարիներն անցնում էին և Ֆորտ Բոյարն ավելի էր քանդվում՝ ծովի, քամու, ինչպես նաև զբոսաշրջիկների կողմից, որոնք պարզապես քար առ քար տանում էին այն։