'''Շախսեյ-վախսեյ''' (պարսկական Շա՜հ Հուսեյն, վա՜խ Հուսեյն ողբից), [[շիա]] մուսուլմանների մոլեռանդ ողբահանդես՝ նվիրված Հուսեյն իմամի հիշատակին։ Նշվում է մուսուլմանական օրացույցի մուհառռամ ամսվա [[10]]-րդ օրը. [[Հիջրա|Հիջրայի]] 61-րդ տարում մուհառռամ ամսի 10-ին`մ.թ. [[680]] թ. հոկեմբերի 10-ին, [[Օմայաններ|Օմայան]] խալիֆ Յազիդ 1-ինի զորքերի դեմ Քարբալայի մարտում նահատակվել է Հուսեյնը՝ [[Խալիֆ|խալիֆիխալիֆ]] [[Ալի իբն Աբի Տալիբ|Ալի իբն Աբի Տալիբի]] որդին։ Շախսեյ-վախսեյի թատերականացված արարողությունների ժամանակ ([[2]]-[[3]] [[օր]]) ներկայացվում են Հուսեյնի [[կյանք]]ի ու նահատակման պատկերներ, մոլեռանդ հավատացյալներն իրենց խոշտանգում են սրերով, դաշույններով, խարազանում ծանր շղթաներով և այլն։ [[14-րդ դար]]ից նշվում է պաշտոնապես։ Հետադեմ իշխանություններն ու հոգևորականները Շախսեյ-վախսեյի վայրենի սովորույթն օգտագործել են հավատացյալների մեջ [[կրոն]], մոլեռանդություն և այլադավան [[ժողովուրդ]]ների դեմ թշնամանքներ բորբոքելու համար։ Շախսեյ-վախսեյը պահպանվում է [[Իրան]]ում, [[Ադրբեջանական Հանրապետություն|Ադրբեջանում]] և այլուր։{{ՀՍՀ|հատոր=8|էջ=415}}
