'''Գրյունվալդի ճակատամարտ''' [[1410]], տեղի է ունեցել Լեհ-լիավական միության և [[Տևտոնյան օրդեն]]ի միջև, Գրյունվալդի գյուղի մոտ, [[հուլիսի 15]]-ին։
Օրդենի զորքը կազմված էր [[Գերմանիա|գերմանական]], [[ֆրանսիա]]կան և այլ երկրների ասպետներից ու վարձկան ջոկատներից, դաշնակցային զորքը՝ [[լեհ]]ական, [[լիտվա]]կան, [[ռուս]], (այդ թվում՝ [[ուկրաինացի]]ներ և բելոռուսներբելառուսներ), վալախական, [[չեխ]]ամորավական, ժմուդական, հայկական, [[Հունգարիա|հունգարական]] և թաթարական ջոկատներից։ Խաչակիրները քանակով զիջել են դաշնակիցներին, սակայն ավելի լավ էին զինված և վարժեցված։ Ճակատամարտն սկսել են [[Գերմանիա|գերմանական]] ասպետները, որոնք մեկժամյա մարտից հետո նեղել են լեհ-լիտվական զորքին։ Դրությունը փրկել են ռուսական, սմոլենսկյան երեք գնդերը, որոնք պաշտպանել են կենտրոնը։ Այդ գնդերը, գամելով խաչակիրների մի մասին, շարժվել են դեպի լեհերի աջ թևը։ Լեհական զորքերն անցել են հարձակման, ճեղքել խաչակիրների աջ թևը, շրջապատել այն։ Օրդենը մարտադաշտ է մտցրել պահեստային ուժերը, սակայն լեհական թագավոր Յագայլոն նրանց դեմ նետել է իր զորքերի երրորդ շարքը, որոնց աջակցել են մարտի դաշտ վերադարձած լիտվական ուժերը։ Խաչակիրները շրջապատվել են և մեծ մասը կոտորվել։ Դաշնակցային զորքերի հաղթանակը սկիզբ է դրել Տևտոնյան օրդենի քայքայմանը։ Գրյունվարդի ճակատամարտը կարևոր ուղենիշ էր գերմանակնա ֆեոդալների դեմ [[Արևելյան Եվրոպա]]յի ժողովուրդների պայքարի պատմության մեջ։ [[1960]] թ. Գրյունվարդի ճակատամարտի տեղում կանգնեցվել է [[հուշարձան]]։
