Սոնա Բանոյան

Սոնա Նահապետի Բանոյան (ապրիլի 12, 1953(1953-04-12), Երևան, Հայկական ԽՍՀ, ԽՍՀՄ), հայ գոբելենագործ: ՀՀ մշակույթի վաստակավոր գործիչ (2012): Հայաստանի նկարիչների միության անդամ:

Սոնա Բանոյան
Ծնվել է	ապրիլի 12, 1953(1953-04-12) (71 տարեկան)
Ծննդավայր	Երևան, Հայկական ԽՍՀ, ԽՍՀՄ
Քաղաքացիություն	Հայաստան
Կրթություն	Փանոս Թերլեմեզյանի անվան գեղարվեստի պետական քոլեջ
Մասնագիտություն	նկարչուհի և մանկավարժ
Թեմաներ	Գոբելեն
Պարգևներ	Հայաստանի Հանրապետության մշակույթի վաստակավոր գործիչ
Անդամակցություն	Հայաստանի նկարիչների միություն
Sona Banoyan Վիքիպահեստում

Գեղանկարիչ Լյուդվիգ Ավետիսյանի կինն է:

Կենսագրություն

Սոնա Բանոյանը ծնվել է 1953 թվականին Երևանում: Ավարտել է Երևանի Փանոս Թերլեմեզյանի անվան գեղարվեստի ուսումնարանը: 1996 թվականին Բուդապեշտում անցել է «Տեքստիլային տեխնոլոգիաներ և վերականգնում» միջազգային դասընթացներ: 1980-ական թվականներից դասավանդում է Երևանի Գեղագիտության ազգային կենտրոնում: Ստեղծագործում է բատիկայի, գոբելենի բնագավառներում:

Սոնա Բանոյանի աշխատանքները ցուցադրվել են Սարդարապատի ազգային թանգարանում («Սարդարապատ» նախագիծ՝ բատիկների շարք՝ կատարված Գեղագիտության ազգային կենտրոնի Սոնայի սաների կողմից), Երևանի Ժամանակակից արվեստի թանգարանում, ՀՀ մշակույթի նախարարության և նկարիչների միության, Ռուսաստանի մշակույթի նախարարության արվեստի հիմնադրամներում, տարբեր երկրների մասնավոր հավաքածուներում:

Ցուցահանդեսներ

Անհատական ցուցահանդեսներ է ունեցել Մոսկվայում, Երևանում, Ֆրանսիայում, Շվեդիայում, ԱՄՆ-ում, Գերմանիայում, Սիրիայում, Լիբանանում, Իսրայելում:

Պարգևներ

• ՀՀ մշակույթի նախարարության շնորհակալագիր, 2003
• ՀՀ մշակույթի վաստակավոր գործիչ, 2012
• Հայաստանի նկարիչների միության առաջին մրցանակ «Իմ պայքարը» գոբելենի համար