«Ալավերդի»–ի խմբագրումների տարբերություն

[[1920]]–[[1930]] թվականներին Ալավերդու բանվորական ավանն ընդգրկում էր միայն Մանեսը։ Արդյունաբերական զարգացմանը զուգընթաց աճելով՝ Ալավերդին աստիճանաբար իր շրջագծի մեջ է վերցրել Լենհանքերը, [[Սանահին (գյուղ)|Սանահինը]], համանուն երկաթուղային կայարանը՝ ավանով հանդերձ, [[Ակներ (Լոռու մարզ)|Ակները]]։ Ալավերդու հատակագծման աշխատանքներն սկսվել են [[1929]]–[[1930]] թվականներին՝ ճարտարապետ Մ.Մազմանյանի ղեկավարությամբ։ Այդ հատակագիծը վերահաստատվել է [[1946]] թվականին։

 

 

Հաղթահարվել են ռելիեֆով պայմանավորված կառուցապատման դժվարությունները՝ վերակառուցվել ու վերափոխվել է, դարձել բարեկարգ քաղաք, ստեղծվել են տրանսպորտային կապեր տարբեր բարձրությունների վրա գտնվող քաղաքի թաղամասերի միջև։ [[Դեբեդ]]ի ձախ ափին նախահեղափոխական շրջանում ֆրանսիացիների կառուցած բանվորական անշուք բարաքների փոխարեն կառուցվել է քարակերտ բազմահարկ շենքերի բնակելի թաղամասը։ Նախագծվել և կառուցվել են բազմաթիվ հասարակական, արտադրական ու վարչական շենքեր, այդ թվում՝ քիմիական կոմբինատի համալիրը, մշակույթի պալատը, պիոներների պալատը, լայնէկրան կինոթատրոնը, կապի տունը, հանրախանութը, հյուրանոցը, քաղաքապետարանի շենքը։ [[Դեբեդ]] և [[Լալվար]] գետերի վրա կառուցվել են նոր կամուրջներ։ Ալավերդիում և Սանահինում կառուցվել են [[1941]]–[[1945]] թվականներին [[Հայրենական Մեծ պատերազմ]]ում զոհվածների հիշատակին նվիրված աղբյուր-հուշսւրձաններ։ Սանահին Սարահարթումկառուցվել է երկու միկրոշրջան՝ 12 000 մարդու համար։ Սարահարթը քաղաքի հետ կապված է խճուղով և 1000 մ երկարությամբ մարդատար ճոպանուղով։