«Թրթուրաքորդավորներ»–ի խմբագրումների տարբերություն

'''Թրթուրաքորդավորներ''', պարեգոտավորներ ({{lang-lat|Urochordata, Tunicata}}), [[քորդավոր]] [[կենդանիներ]]ի ենթատիպ, որի ներկայացուցիչները քորդա ունենում են միայն թրթուրային զարգացման փուլում։ Մարմինը պարկանման է կամ տակառիկաձև, ամփոփված դոնդողանման թաղանթով՝ տունիկայով, որը կազմված է հատուկ նյութից՝ տունիցինից։ Վերջինս [[քիմիա]]կան բաղադրությամբ նման է [[թաղանթանյութ]]ին։ Աղիների առջևի հատվածը՝ կլանը, ծածկված է խռիկային ճեղքերով, որոնց միջոցով կատարվում է սնունդը ընդունելու և շնչառական ֆունկցիա։ Խռիկային ճեղքերն արտաքին միջավայրի հետ հաղորդակցվում են անմիջապես (ապենդիկուլարիաներ) կամ հատուկ խոռոչի՝ կլոակայի միջոցով, որտեղ բացվում են ետին աղիքը և սեռական գեղձերի ծորանները ([[ասցիդիաներ]] և այլն)։ [[Նյարդային համակարգ]]ը խողովակաձև է, տեղադրված մարմնի մեջքային մասում։ [[Արյան շրջանառություն]]ը կատարվում է սրտապարկում պարփակված [[Սիրտ|սրտի]] միջոցով։ Թրթուրաքորդավորներ երկսեռ են, բազմանում են սեռական և անսեռ (բողբոջմամբ) ճանապարհով։ Ունեն սերունդների հաջորդականության ցիկլ։ Հիմնականում ծովային կենդանիներ են, սնվում են մանր կենդանիներով, [[ջրիմուռ]]ներով, ջրում գտնվող օրգանական մնացորդներով։ Հայտնի է թրթուրաքորդավորների [[3]] դաս, ավելի քան [[1000]] տեսակ։