«Կեղծ հղիություն»–ի խմբագրումների տարբերություն
Նոր էջ «'''Կեղծ հղիություն''', հղիության կլինիկական ախտանիշների առկայություն, երբ օրգա...»: |
(Տարբերություն չկա)
|
07:21, 25 Մարտի 2017-ի տարբերակ
Կեղծ հղիություն, հղիության կլինիկական ախտանիշների առկայություն, երբ օրգանիզմն իրականում հղի չէ: Կեղծ հղիությունն առավել հաճախ հանդիպում է կենդանիների մոտ, հատկապես շների և մկների: Մարդկանց դեպքում այն խիստ հազվադեպ հանդիպող երևույթ է և հիմնականում զուտ հոգեբանական բնույթ է կրում: Կեղծ հղիության առաջացման հիմնական պատճառը մարմնի ներզատական համակարգում տեղի ունեցող փոփոխություններն են, որոնք հանգեցնում են այնպիսի հորմոնների արտազատության, որոնք սովորական հղիության ընթացքում օրգանիզմում ֆիզիկական փոփոխություններ են առաջ բերում: Անգամ տղամարդիկ կարող են կեղծ հղիության նախանշաններ ունենալ: Այս երևույթը կոչվում է Կուվադի համախտանիշ[փա՞ստ]:
Պատմություն
Կեղծ հղիության դեպքեր գրանցվել են դեռ անտիկ ժամանակներում: Դեռևս Հիպոկրատը տասներկու նման դեպք է արձանագրել մ.թ.ա 300 թվականին: Մարի Թյուդորը` Անգլիայի թագուհին երկու անգամ կեղծ հղիության ախտանիշներ է ունեցել: Սակայն շատ պատմաբաններ հերքում են այս փաստը` նշելով, որ իրականում նրա մոտ արձանագրվել է ֆիբրոմա:
Ախտանիշներ
Կեղծ հղիությունը շատ դժվար է տարբերել իսկական հղիությունից: Դաշտանի բացակայությունը, առավոտյան սրտխառնոցը, կրծքերում ցավը, քաշի ավելացումը նույնպես բնորոշ են կեղծ հղիությանը: Հետազոտությունները ցույց են տվել, որ կանանց 18%-ը ախտորոշվել են հղի, մինչդեռ նրանք հղի չեն եղել[փա՞ստ]:
Կեղծ հղիության կարևորագույն առանձնահատկություններից մեկնն այն է, որ հիվանդը համոզված է, թե ինքը հղի է: Որովայնի մեծացումը ամենատարածված ախտանիշներից է (60-90%): Որովայնը նույն կերպ է մեծանում, ինչպես սովորական հղիության ժամանակ, այնպես որ հիվանդն արտաքինից էլ հղիի տեսք ունի: Այս ախտանիշները հիմնականում վերացվում են ընդհանուր անզգայացման միջոցով և որովայնը իր նախկին տեսքին է վերադառնում[1]:
Երկրորդ ամենատարածված նախանշանը դաշտանի բացակայությունը կամ անկանոնությունն է (50-90%): Որոշ կանայք անգամ նշում են, որ պտղի խաղ են զգացել (50-75%): Այլ նշաններից են ստամոքսաղիքային ցավերը, կրծքերի ձևի փոփոխությունը, երկունքային ցավերը, արգանդի մեծացումը[փա՞ստ]:
Բուժում
Չկա որևիցե անմիջական ֆիզիկական պատճառ, որը հանգեցնում է կեղծ հղիության: Հետևաբար չկա և հստակ բուժում: Որոշ դեպքերում բուժումներ են նշանակվում դաշտանային խնդիրների վերացման համար: Նաև հիվանդը պետք է հոգեթերապևտի օգնությանը դիմի:
Համաճարակաբանություն
ԱՄՆ-ում վերջին տարիների ընթացքում կեղծ հղիության դեպքերը զգալիորեն նվազել են: Միջինում 33 տարեկան կանայք են կեղծ հղիության գանգատներ ունեցել: Սակայն գրանցվել են անգամ 6 տարեկան աղջիկների և 79 տարեկան կանանց դեպքեր: Կեղծ հղիությամբ տառապող կանանց 2/3-րդը ամուսնացած է եղել, և մոտավորապես 1/3-րդը` գոնե մեկ անգամ հղի:
Ծանոթագրություններ
- ↑ Upadhyay, Sarita (July–September 2008). «Pseudocyesis». J Nepal Med Assoc. 47 (171): 147–150. Վերցված է 1 January 2016-ին.
Գրականություն
- Ramachandran, VS; Blakeslee, Sandra (August 18, 1999). Phantoms in the Brain. էջեր 212–218. ISBN 0-688-17217-2.
- Cohen, LM (September 1982). «A current perspective of pseudocyesis». The American Journal of Psychiatry. 139 (9): 1140–1144. ISSN 0002-953X. PMID 7114306.
Արտաքին հղումներ
- Paulman, PM; Sadat, A (1990). «Pseudocyesis». J Fam Pract. 30 (5): 575–6. PMID 285336.(անգլ.)
- Pseudopregnancy at RightDiagnosis.com(անգլ.)
- Canine Pregnancy and Pseudopregnancy at Louisiana State University School of Veterinary Medicine(անգլ.)
- Evans, DL; Seely, TJ (1984). «Pseudocyesis in the male». J. Nerv. Ment. Dis. 172 (1): 37–40. doi:10.1097/00005053-198401000-00008. PMID 6537816.(անգլ.)