'''Երաժշտագիտություն''', գիտություն երաժշտության մասին, [[արվեստ]]ագիտության բնագավառ։ Ընդգրկում է՝ երաժշտության տեսություն, երաժշտության պատմություն, երաժշտական [[ազգագրություն]], երաժշտական քննադատություն։ Ինքնուրույն նշանակություն են ստացել և առանձնացել երաժշտական ակուստիկան, երաժըշտականերաժշտական [[հոգեբանություն]]ը, 20-րդ դարի [[1960]]-[[1970]] թվականներին նան երաժշտական սոցիոլոգիան։ Տեսական երաժշտագիտությունը հետազոտում է երաժշտության մեջ իրականության արտացոլման եղանակները, երաժշտության զարգացման ընդհանուր [[օր]]ինաչափությունները, ինչպես և երաժշտական տեսական առանձին դիսցիպլիններ (մելոդիկա, [[ռիթմիկա]], մետրիկա, ևարմոնիա, [[պոլիֆոնիա]], [[գործիքավորում]], ուսմունք ևրաժըշտական ձևի մասին), երաժշտական կերպարի ստեղծման յուրատեսակ միջոցները, նրա կառուցվածքը, արտահայտման ձևերը։ Տեսական երաժշտագիտությունը ընդգրկում է նաև երաժշտական կատարողական [[արվեստ]]ի և երաժշտական լսողության ([[սոլֆեջո]]) զարգացման սկզբունքները մշակող գիտամեթոդական դիսցիպլինները։