[[1887]] թվականից գերիշխող դիրք է գրավում [[ֆրանսիա]]կան կապիտալը։ Ալավերդիում պղնձի արտադրության զարգացմանը խթանեց [[1899]] թվականին կառուցված [[Թիֆլիս]]–[[Ալեքսանդրապոլ]] երկաթուղին։
Ֆրանսիական ձեռնարկատերերի ջանքերով ծավալվեցին հանքահետախուզական աշխտանքներաշխատանքներ, բացվեցին նոր հանքահորեր, կառուցվեցին հզոր հնոցներ, հալոցքային վառարաններ, արհեստանոցներ, օժանդակ շինություններ։ Ալավերդիում պղնձի արտադրությունը դրվեց արդյունաբերական հիմքի վրա։ [[1909]] թվականին [[Դեբեդ]]ի վրա կառուցած հիդրոէլեկտրակայանն սկսեց էլեկտրաէներգիա մատակարարել Ալավերդու ձեռնարկություններին։ Բնական հարստությունների և բանվորական ուժի շահագործմամբ հանդերձ այս միջոցառումներն խթանեցին պղնձի արտադրության արագ աճը՝ մեծ շահույթ բերելով ձեռնարկատերերին։ [[1913]] թվականին [[Հայաստան]]ը տվել է [[Ռուսական կայսրություն|Ռուսաստանում]] արտադրվող պղնձի մեկ հինգերորդը, որի 67 % բաժին էր ընկնում Ալավերդու և նրա շրջակայքի ձեռնարկություններին։