'''Սահակ Սևադա''' (մոտ 895-940), հայ իշխան հայկական [[Առանշահիկ]]ների իշխանատոհմից (արքայատոհմից), [[Գարդմանի իշխանություն|Գարդմանքի]] կառավարիչ։ Սահակ Սևադայի իշխանությունը տարածվում էր [[Ուտիք]]ի տարածքի մեծ մասում<ref>«[[Գևորգ Մարզպետունի (վեպ)|Գևորգ Մարզպետունի»]]» վեպ, Մուրացան։</ref> և [[Արցախ]]ի հյուսիսում։ Հայաստանի [[Աշոտ Բ Երկաթ|Աշոտ Բ թագավորի]] հետ միասին նպաստել է հայկական կենտրոնացված պետության ձևավորմանն ու ամրապնդմանը։ Այդ ընթացքում ճնշել է Մովսես Ուտեացու ապստամբությունը։ Սակայն քաղաքական իրադրության փոփոխության հետևանքով, որը պայմանավորված էր թագավորի և Սյունիքի իշխան Սմբատի միջև առաջացած տարաձայնությամբ, Սահակ Սևադան սատարում է վերջինիս՝ չնայած իր դուստրերից Սահականուշը ամուսնացած էր Աշոտ Բ-ի հետ։ Կռվի ժամանակ Սահակ Սևադան թագավորի կողմից գերևարվում է։ Իշխանին և իր որդի Գրիգորին Աշոտ Բ-ն կուրացնում է։ Մյուս որդին՝ Հովհաննես Սենեքերիմը դառնում է Փառիսոսի կառավարիչ՝ ստեղծելով Փառիսոսի իշխանությունը։<ref>[[Հովհաննես Դրասխանակերտցի]], «Հայոց պատմություն»։</ref><ref>[[Մուրացան]], «[[Գևորգ Մարզպետունի (վեպ)|Գևորգ Մարզպետունի»]]» վեպ:</ref>
