Օրինակ, [[ածխածին]] էլեմենտի երկու ամենատարածված ալոտրոպ ձևափոխություններն են [[ադամանդ]]ը և [[գրաֆիտ]]ը։ Ադամանդում և գրաֆիտում ածխածնի ատոմները շարված են միմյանց նկատմամբ տարբեր [[բյուրեղային կառուցվածք|բյուրեղային դասավորվածությամբ]]։
Ալոտրոպիան վերաբերում է միայն միևնույն քիմիական էլեմենտի տաբերտարբեր պարզ նյութերի գոյակցությանը միևնո՛ւյն ֆազային վիճակում ([[պինդ մարմին]], [[հեղուկ]], [[գազ]])։ Նյութի ֆազային անցումները չեն համարվում ալոտրոպ ձևափոխություններ։ Որոշ էլեմենտների մոտ ալոտրոպ ձևափոխությունները պահպանում են նույն քիմիական բանաձևը նյութի տարբեր վիճակներում։ Օրինակ, [[թթվածին|թթվածնի]] երկու ալոտրոպ ձևափոխությունները (O<sub>2</sub> և [[օզոն]], O<sub>3</sub>) կարող են պահպանել ալոտրոպիան պինդ մարմնային, հեղուկ և գազային վիճակներում։ Որոշ էլեմենտներ էլ չեն պահպանում ալոտրոպիան ֆազային անցումների ժամանակ։ Օրինակ, [[ֆոսֆոր]]ը ունի տարբեր ալոտրոպ ձևափոխություններ պինդ մարմնային վիճակում, սակայն հեղուկի անցնելիս բոլորն էլ անցնում են P<sub>4</sub> ձևին։
