|
'''Ակտուարը''' ապահովագրության մասնագետ է, որն զբաղվում է կյանքի երկարաժամկետ ապահովագրման տարիֆային դրույքների հաշվարկման, ապահովագրական մուծումների ռեզերվների կազմավորման հետ կապված հաշվարկների, փոխատվությունների չափերի, հետգնման գումարների և կրճատված ապահովագրական գումարների որոշման գիտականորեն հիմնավորված մեթոդների մշակմամբ։
<Ակտուար> տերմինի ծագումը մինչ այժմ ճշգրիտ բացահայտված չէ, սակայն կան վարկածներ, որ <Ակտուար> տերմինը ծագել է <actuatius> լատինական բառից, որը նշանակում է ցուցակագրող, գրանցող: <Ակտուար> բառի իմաստը վերլուծելու համար նախ տեսնենք թե ինչ գիտելիքներ են պետք ակտուար դառնալու համար: <Ակտուարը>պետք է դասակարգի իր մեջ հետևյալ գիտելիքները. տոկոսային հարաբերությամբ` մաթեմատիկական գիտելիքներ /հավանականություն, վիճակագրություն, ակտուար և ֆինանսական մաթեմատիկա, էկոնոմետրիկա 50 տոկոս/, տնտեսագիտական գիտելիքներ 25 տոկոս և օրենքների իմացություն 25 տոկոս: <Ակտուարների> աշխատանքի բնույթը բավականին բազմազան է: Այն կապված է տարբեր տեսակի ֆինանսական ռիսկերի գնահատման, ինպես նաև բազմաթիվ այլ բարդ հաշվարկների կատարման հետ այնպիսիք ինչպիսիք են` որոշակի իրադարձությունների տեղի ունենալու հավանականությունը, ապահովագրական սակագները, ապահովագրավճարները, ապահովագրական գումարները, տեխնիկական պահուստները, կենսաթոշակները, անուիտետները և այլ նմանատիպ ցուցանիշների չափերը:
== Ակտուարի մասնագիտությունը Հայաստանում ==
<Ակտուար> բառը բավականին վերջերս է մուտք գործել Հայաստան: Դա պայմանավորված է նրանով, որ տվյալ մասնագետների պահանջարկը Հայաստանում բավականին վերջերս է ի հայտ եկել: Դա կապված է նրանով, որ Հայաստանի Հանրապետությունում նոր-նոր են սկսել ձևավորվել ապահովագրական և ֆինանսական շուկաները: Հայաստանում ապահովագրության դաշտի զարգացման գործընթացում ուղղակի անհրաժեշտ է ակտուարների մասնակցությունը: Հայաստանում ակտուարության զարգացման առաջին քայլը եղավ Երևանի պետական համալսարանում ակտուար մաթեմատիկայի ամբիոնի բացվելը: Նշենք, որ ամբիոնը բացվել է 2003 թվականին բակալավրիատի և 2001 թվականին բացված մագիստրատուրայի հիմքի վրա: Ակտուարության զարգացմանը Հայաստանում մեծ այակցություն է ցույց տվել ԱՄՆ-ի միջազգային զարգացման գործակալությունը (USAID): Այդ աջակցության շնորհիվ 2001 թվականին ֆակուլտետում ստեղծվել է ակտուարական գիտությունների կենտրոն: 2001 թվականից մինչ այժմ Երևանի պետական համալսարանի մագիստրատուրայի ծրագրով եղել է 28 շրջանավարտ և ևս 20 շրջանավարտ ստացել բակալավրի աստիճան: 2001 թվականին` Հայաստանում USAID-ի աջակցությամբ ստեղծվել է Նորք` դեռևս առաջին ակտուարական գրասենյակը, որտեղ աշխատում են առաջին շրջանավարտները: Երևանի պետական համալսարանի և Նորք ակտուարական գրասենյակի միջև 2005 թվականին կնքվել է համագործակցության փաստաթուղթ, որը վերաբերու է Հայաստանում համատեղ ակտուարական հետազոտությունների և ուսանողական պրակտիկայի կատարմանը:
2010 թվականի մարտի 15-ին տեղի ունեցավ հաջորդ կարևորագույն քայլը մասնագիտության զարգացման գործում: Տեղի ունեցավ <<Ակտուարների հայկական ասոցիացիա>> ՀԿ-ի առաջին ամսագրի շնորհանդեսը:
[http://Ակտուարների%20հայկական%20ասոցիացիա www.actuaries.do.am]
<gallery>
</gallery>
[[Կատեգորիա:Մասնագիտություններ]]
[[Կատեգորիա:Ապահովագրություն]]
| 