«Պետրոս Ա Գետադարձ»–ի խմբագրումների տարբերություն

▲Հաջորդել է [[Սարգիս Ա Սևանցի|Սարգիս Ա Սևանցուն]], նրա կենդանության օրոք ու նրա ձեռքով [[կաթողիկոս]] օծվել [[Անի]]ում։ [[Պետրոս]]ին հաջորդել է իր իսկ նշանակած ու օծել տված [[Խաչիկ Բ Անեցի|Խաչիկ կաթողիկոս]]ը՝ իր քրոջ որդին, որի միջոցով շարունակում էր վերահսկել [[Հայոց եկեղեցի]]ն։ Պետրոս Գետադարձի աթոռակալության սկիզբը համընկնում է [[Անի]]ի [[Բագրատունիներ|Բագրատունյաց]] թագավորության ճգնաժամի հետ, երբ Հայոց [[Գագիկ Ա]] թագավորի մահից (1020) հետո նրա երկու որդիների՝ [[Հովհաննես-Սմբատ]]ի և [[Աշոտ Դ]]-ի միջև գահակալական կռիվներ են ծագել։ Այդ պայքարում աջակցել է Հովհաննես-Սմբատին։ Վեճը կաթողիկոսի և իշխանների միջնորդությամբ 1021-ին հարթվել է՝ երկրի մասնատմամբ. Անին շրջակայքով անցել է Հովհաննես-Սմբատին, իսկ թագավորության մնացած մասը (Դրուց աշխարհ)՝ Աշոտին։ 1022-ին բյուզանդական զորաբանակի ներխուժումը [[Բագրատունյաց Հայաստան]] կանխելու նպատակով, Հովհաննես-Սմբատի կարգադրությամբ, Պետրոս Ա Գետադարձը [[Տրապիզոն]]ում [[Վասիլ II կայսր]]ի հետ կնքել է պայմանագիր, որի համաձայն, [[Անիի թագավորություն]]ը Հովհաննես-Սմբատի մահից հետո անցնելու էր կայսրությանը ([[Հովհաննես-Սմբատի կտակ]])։ Կտակը մեծ զայրույթ է առաջացրել Անիում, ինչը ստիպել է Պետրոս Ա Գետադարձին տեղափոխվել [[Սեբաստիա]] (Անի է վերադարձել է միայն 1026-ին)։ Տրապիզոնում բյուզանդական կայսրի և ավագանու ներկայությամբ մասնակցել է Ջրօրհնեքի հանդիսավոր արարողությանը։ Ծեսի ժամանակ հայ հոգևորականները կաթողիկոսի գլխավորությամբ կանգնել են գետի հոսանքի վերին մասում, իսկ հույն հոգևորականները՝ ստորին, որպեսզի հայերի օրհնած ջուրը վերստին օրհնեն։ Ըստ հայկական կեղեցական ավանդության Գետադարձի օրհնությունից հետո, իբր, գետի հոսանքը կանգ է առել, ապա՝ հետ դարձել (այդ իրադարձությունից էլ ստացել է Գետադարձ մականունը)