«Ալավերդի»–ի խմբագրումների տարբերություն

 

=== 17-20–րդ դարեր ===

Օգտվելով հայերի պառակտումից և թուլությունից՝ վրաց [[Հերակլ II]] թագավորն պղնձի հանքերն օգտագործելու համար [[1770]] թվականին [[Պոնտոս]]ից 800 [[Հույներ|հույն]] ընտանիք բերել և բնակեցրել է Ալավերդիում։ Նրանք [[1763]] թվականին կառուցեցին [[Ախթալա]]յի արծաթագործական, [[1770]] թվականին՝ Ալավերդու և Շամչաղի պղնձաձուլական գործարանները, [[Մադան]] գյուղը։ Թագավորի շնորհած արտոնությունների դիմաց հույները պարտավոր էին նրան հանձնել ստացվող ոսկին։ Արխիվային նյութերում հանքագործները հիշատակվում են «արծաթաճորտ» անունով։

 

[[Անգլիա]]կան զորքերի նախաձեռնությամբ [[1919]] թվականին [[հունվար]]ին ստեղծվեց [[Լոռու մարզ|Լոոու]] «Չեզոք գոտին», որի մեջ 41 գյուղերի հետ մտավ նաև Ալավերդու արդյունաբերական շրջանը։ Իրենց տիրապետությունն ամրապնդելու համար անգլիական օկուպացիոն ուժերը ազգամիջյան կռիվներ էին հրահրում՝ ջանալով խախտել [[Հայեր|հայ]] և [[Վրացիներ|վրաց]] ժողովուրդների բարեկամությունը։ Անգլիացիների թողտվությամբ «Չեզոք գոտին» զավթեցին Վրաստանի մենշևիկյան կառավարության զորքերը։ [[1921]] թվականին [[փետրվարի 11]]-ին «Չեզոք գոտու» աշխատավորները Լոռու հեղկոմի ղեկավարությամբ ապստամբեցին և 11-րդ կարմիր բանակի օգնությամբ, համառ մարտերից հետո, տապալեցին օկուպանտների լուծը։ Ալավերդիում [[փետրվարի 12]]-ին հաստատվեց խորհրդային իշխանություն։

== Քաղաքաշինություն ==

[[1920]]–[[1930]] թվականներին Ալավերդու բանվորական ավանն ընդգրկում էր միայն Մանեսը։ Արդյունաբերական զարգացմանը զուգընթաց աճելով՝ Ալավերդին աստիճանաբար իր շրջագծի մեջ է վերցրել Լենհանքերը, [[Սանահին (գյուղ)|Սանահինը]], համանուն երկաթուղային կայարանը՝ ավանով հանդերձ, [[Ակներ (Լոռու մարզ)|Ակները]]։ Ալավերդու հատակագծման աշխատանքներն սկսվել են [[1929]]–[[1930]] թվականներին՝ ճարտարապետ Մ.Մազմանյանի ղեկավարությամբ։ Այդ հատակագիծը վերահաստատվել է [[1946]] թվականին։