Գասենդին հանդես է եկել [[սխոլաստիկա]]յի խիստ քննադատությամբ, [[Արիստոտել]]ի ուսմունքի, բնածին գաղափարների վերաբերյալ [[Դեկարտ]]ի ուսմունքի քննադատությամբ, վերածնունդ է տվել [[Էպիկուր]]ի [[մատերիալիզմ]]ին՝ դրա վրա հիմնելով իր ուսմունքը։
Գրել է աշխատություններ գիտության պատմության վերաբերյալ։ [[17-րդ դար]]ի պատմական պայմաններում Գասենդին առաջադիմական դեր է խաղացել որպես փիլիսոփա և գիտնական։ Հայտնի է [[Էպիկուր#էպիկուրիզմ|էպիկուրիզմ]]ի և [[ատոմիստական տեսություն|ատոմիզմ]]ի քարոզչությամբ, նաև այդ տեսությունները [[քրիստոնեություն|քրիստոնեության]] հետ համաձայնեցնելու փորձերով։ Ըստ կոմունիստական գաղափարախոսության՝ ''նրա [[մատերիալիզմ]]ն անհետևողական էր, որ արտահայտվում էր [[կրոն]]ի և [[եկեղեցի|եկեղեցու]] հետ հաշտվողականության մեջ''<ref>''[[Կարլ Մարքս]]'' ПРЕДИСЛОВИЕ К ДИССЕРТАЦИИ: [http://www.agitclub.ru/front/mar/bm03.htm Различие между натурфилософией Демокрита и натурфилософией Эпикура]"</ref>։ Ֆրանսիացի [[բնափիլիսոփա]]ն առաջինն է [[մոլեկուլ]]ի անվանումը օգտագործել։ Նա, օրինակ, [[Աստված|Աստծուն]] համարում էր ատոմների ստեղծող, գտնում էր, որ մարդը բացի բնափիլիսոփայորեն ըմբռնվող «կենդանական հոգուց», ունի նաև «գերզգայական բանական [[հոգի]]»:
