'''Տափաստան''', խոտաբույսերով ծածկված [[հարթավայր]], բնական գոտիներ, որոնց [[լանդշաֆտ]]ներում գերակշռում են տափաստանները։ Տարածված են հյուսիսային և հարավային կիսագնդերի [[մերձարևադարձային զոնաներ|մերձարևադարձային]] ու [[բարեխառն զոնա|բարեխառն]] գոտիներում։ Տափաստանային զոնաների մեծ մասը հերկված է։
Մերձարևադարձային գոտիների տափաստանային զոնաներ, մայրցամաքային բնական զոնաներ հյուսիսային և հարավային կիսագնդերում։ Բնութագրվում են չոր ու տաք [[կլիմա]]յով, դարչնագույն կամ կարմրավուն հողերի, խոտային ու թփուտային բուսականության գերակշռությամբ։ Կան [[Աղուտ-ալկալի հողեր|աղուտներ]]։
[[Անտառատափաստան]]ից հարավ ջերմաստիճանը աստիճանաբար բարձրանում է, տեղումների քանակը՝ նվազում, ծառերը՝ լրիվ վերանում են, սկսվում է համատարած խոտածածկ։
