Լույսի արագության առավել ճշգրիտ չափումը [[մետր|էտալոնային մետրի]] հիման վրա անցկացվել է 1975 թ., որով ստացված տվյալը {{nobr|299 792 458 ± 1,2}} [[մետր|մ]]/[[վայրկյան|վ]] է։ Այժմ լույսի արագության չափման ամենաճշգրիտ մեթոդները հիմնվում են լույսի կամ այլ էլեկտրամագնիսական ճառագայթման <math>\lambda </math> ալիքի երկարության և <math>\nu </math> հաճախության անկախ սահմանումների վրա՝ հաշվարկելով ըստ <math>c</math> = <math>\lambda </math> <math>\nu</math> արտահայտության<ref>Сажин М. В.,Скорость света, , Физика космоса. Маленькая энциклопедия, год=1986, ст. 783,</ref>։
Ներկայումս համարվում է, որ լույսի արագությունը [[վակուում]]ում [[հիմնարար ֆիզիկական հաստատուններ|հիմնարար ֆիզիկական հաստատուն]] է, որն ըստ սահմանման ''ճշգրիտ'' հավասար է {{nobr|299 792 458 մ/վ}} կամ {{nobr|1 079 252 848,8 կմ/ժ}}։ Արժեքի ճշտությունը պայմանավորված է [[Միավորների միջազգային համակարգ]]ում մետրի սահմանումով. ըստ դրա՝ մետրը այն հեռավորությունն է, որն անցնում է լույսը վակուումում {{nobr|1/299 792 458 }} վայրկյան ժամանակահատվածում<ref name="ГОСТ">[http://www.leotec.ru/upload/iblock/432/432b148f277da39bdd5df10e1cd52d2d.pdf ГОСТ 8.417-2002. Չափման միավորների որոշման պետական համակարգ]{{ref-ru}}</ref>։ Մեծ ճշտություն չպահանջվող հաշվարկների համար գործածական է {{nobr|300 000 000 մ/վ}} ({{nobr|3×10<sup>8</sup> մ/վ}}) արժեքը։
