Ատլետիկոն [[21-րդ դար]]ում իր վերելքն ապրեց այն ժամանակ, երբ թիմը [[2011 թվական]]ին գլխավորեց [[Դիեգո Սիմեոնե]]ն։ Ակումբը [[2012 թվական]]ի [[մայիսի 9]]-ին հաղթեց [[ՈւԵՖԱ]]-ի [[Եվրոպայի լիգա]]ն՝ պարտության մատնելով [[Ատլետիկ Բիլբաո]]յին 3-0 հաշվով։ Նույն թվականի [[օգոստոսի 31]]-ին Ատլետիկոն հաղթեց [[ՈւԵՖԱ]]-ի Սուպերգավաթը՝ 4-1 հաշվով հաղթելով [[Չելսի ՖԱ|Չելսի]]ին։ [[2013 թվական]]ի [[մայիսի 17]]-ին Սիմեոնեի շնորհիվ Ատլետիկոն նվաճեց Իսպանիայի գավաթը՝ հաղթելով [[Ռեալ Մադրիդ]]ին 2-1 հաշվով, այն էլ Ռեալի մարզադաշտում։ Սիմեոնեի ղեկավարությամբ 2012-13 մրցաշրջանում Ատլետիկոն առաջնությունը ավարտեց երրորդ տեղում։ Սիմեոնեն [[2014 թվական]]ին [[Չեմպիոնների Լիգա]]յում թիմին 40 տարվա ընդմիջումից հետո կարողացավ դուրս բերել կիսաեզրափակիչ՝ հաղթելով [[Բարսելոնա (ֆուտբոլային ակումբ, Բարսելոն)|Բարսելոնա]]յին։ Կիսաեզրափակչում Ատլետիկոն, ընդհանուր 3-1 հաշվով հաղթելով Չելսիին, կարողացավ դուրս գալ [[Չեմպիոնների Լիգա]]յի եզրափակիչ իր պատմության մեջ երկրորդ անգամ։
