Մարտին Յոլ

Մարտին Կորնելիուս Յոլ (հոլանդ. Maarten Cornelis Jol, ծնվ. 16 հունվարի 1956, Հաագա) — հոլանդացի ֆուտբոլային մարզիչ, նախկին ֆուտբոլիստ, պաշտպան: Մասնակցել է ավելի քան 400 հանդիպում 5 տարբեր ակումբների կազմում: 

Կենսագրությունը

Կարիերան հավաքականում

Նիդերլանդների հավաքականի կազմում Յոլն իր առաջին հանդիպումն անցկացրել է 1980 թվականի հոկտեմբերի 11-ին Գերմանիայի դեմ ընկերական խաղում` Նիդերլանդների Ֆիլիպս մարզադաշտում: Խաղն ավարտվել է 1:1 հաշվով` Նիդերլանդների կազմում գոլի հեղինակ է դարձել պաշտպան Էրնի Բրանդտսը, իսկ գերմանացիների կազմում Խորստ Խրուբեշը: 

Մարզչական կարիերան

2009 թվականի մայիսի 26-ին Յոլը կնքեց եռամյա պայմանագիր Ամստերդամի «Այաքսի» հետ, որը մինչ այդ գլխավորում էր Մարկո վան Բաստենը: 2010 թվականի դեկտեմբերի 6-ին Այաքսի հետ փոխադարձ համաձայնությամբ պայմանագիրը խզվեց: 2011 թվականի հունիսի 7-ին նա պայմանագիր կնքեց անգլիական «Ֆուլհեմի» հետ երկու տարի ժամկետով: 2013 թվականի դեկտեմբերի 1-ին հեռացվեց լոնդոնյան ակումբից 2013/14 մրցաշրջանում ցուցաբերած անբավարար արդյունքների պատճառով: 

Ձեռքբերումները

Որպես խաղացող

ԱԴՈ Դեն Հաագ

• Նիդերլանդների գավաթակիր: 1975

Որպես մարզիչ

Սխվենինգեն

• National Non-league Championship մրցաշարի հաղթող: 1996

Ռոդա

• Նիդերլանդների գավաթակիր: 1997

Այաքս

• Նիդերլանդների գավաթակիր: 2010

Անձնական ձեռքբերումները

Նիդերլանդների տարվա ֆուտբոլիստ: 1985

Նիդերլանդների տարվա մարզիչ: 2001, 2002

Անգլիայի Պրեմիեր Լիգայի ամսվա մարզիչ: դեկտեմբեր 2004

Հղումներ

• Եվրո-ֆուտբոլ: Մարտին Յոլ` Համբուրգի նոր մարզիչը:
• Սպորտն օրեցօր: Մարտին Յոլ
• Ֆուտբոլ: Մարտին Յոլ