'''Կիտագավա Ուտամարո''' ({{lang-ja|喜多川歌麿}}, [[1753]] - [[1806]]), ճապոնացի նկարիչ, փայտի վրա գունավոր փորագրանկարների վարպետ։ Հարել է [[Ուկիյո-է]] դպրոցին։
Ստեղծագործել է Էդոյում (այժմ`այժմ՝ [[Տոկիո]])։ Ստեղծել է արհեստավորների կյանքը պատկերող նկարներ, բնանկարներ, բուսական ու կենդանական աշխարհի պատկերներ («Գիրք միջատների մասին» փորագրանկարների ալբոմը, 1788 և այլն), սակայն հռչակվել է Յոսիվարա թաղամասի [[գեյշա]]ներին նվիրված գործերով («Յոսիվարայի կանաչ գրքերի տարեգիրք» փորագրանկարների ալբոմը, 1804)։ Հմտորեն օգտագործելով թղթի սպիտակ մակերեսի դեկորատիվ հնչեղությունը`հնչեղությունը՝ կանանց դիմանկարներում Ուտամարոն առանձնահատուկ նրբությամբ է արտահայտել բնորդի հոգեվիճակը։ Ուտամարոյի բանաստեղծական արվեստը կարևոր դեր է խաղացել ճապոնական փորագրանկարների նկատմամբ XIX դարի վերջին եվրոպացիների հետաքրքրությունն արթնացնելու համար։ <ref>ՀՍՀ, հատոր 12։</ref>
