«Խիզախության համար» մեդալ-ը արծաթագույն է, շրջանաձև, տրամագիծը`տրամագիծը՝ 37 մմ, երկու կողմից բարձրացված եզրերով։ Մեդալի երեսի կողմում պատկերված է վերևի մասում`երեքմասում՝երեք թռչող ինքնաթիռ, ինքնաթիռների տակ երկու տող արձանագրություն`արձանագրություն՝ «Խիզախության համար», տառերի մեջ կարմիր էմալ է, այդ գրության տակ պատկերված է հրասայլ. Մեդալի ներքևի մասում գրված է «ԽՍՀՄ»` նույնպես ծածկված կարմիր էմալով։ Դարձերեսին մեդալի համարն է։ Մեդալը մետաղե օղակի միջոցով ամրացվում է հնգաթև մետաղե թիթեղյա շերտաձողին, որի հակառակ երեսն ունի մեդալը հագուստին ամրացնելու հարմարանք։ Նրա վրա ձգված է մետաքսե մոխրագույն ժապավեն երկու երկայնական կապույտ գծերով։ ժապավենի լայնությունը 24 մմ է, գծերինը` 2 մմ։ «Խիզախության համար» մեդալի առաջին տարբերակը ամրացվում էր ուղղանկյուն մետաղե թիթեղյա շերտաձողի միջոցով, որի վրա ձգված էր կարմիր ժապավեն։ Համաձայն Գերագույն խորհրդի նախագահության 1941 թ. հուլիսի 7 որոշման, «Խիզախության համար» մեդալը պարգևատրվողի մահից հետո վերադարձվում էր ԽՍՀՄ Գերագույն խորհրդի նախագահություն։ Մեդալի Վկայականը կարող էր մնալ պարգևատրվածի ընտանիքում (Գերագույն խորհրդի նախագահության 1943 թ. հուլիսի 13 հրամանագրով)։