«Լիլիթ Գալստյան»–ի խմբագրումների տարբերություն
Նոր էջ. {{Տեղեկաքարտ Անձ | ԱԱՀ = ''Լիլիթ Գալստյան'' | բնագիր ԱԱՀ = Լիլիթ Սերյոժայի Գալստյան... |
(Տարբերություն չկա)
|
14:15, 12 հունվարի 2011-ի տարբերակ
Լիլիթ Սերյոժայի Գալստյան (ծնվ. 1962, նոյեմբերի 28) — հայ հասարակական-քաղաքական գործիչ, քաղաքագետ, լեզվաբան, թարգմանչուհի, խմբագիր, բանասիրական գիտությունների թեկնածու (2006), ՀԳՄ անդամ 2002-ից, ՀՀ ԱԺ պատգամավոր 2007-ից։
Լիլիթ Գալստյան Լիլիթ Սերյոժայի Գալստյան | |
---|---|
Դիմանկար | |
Ծնվել է | 1962, նոյեմբերի 28 |
Ծննդավայր | Երևան |
Քաղաքացիություն | Հայաստան |
Կրթություն | Երևանի պետական համալսարան |
Գիտական աստիճան | բանասիրական գիտությունների թեկնածու |
Մասնագիտություն | թարգմանչուհի, հրապարակախոս, խմբագիր, քաղաքագետ և քաղաքական գործիչ |
Զբաղեցրած պաշտոններ | Հայաստանի Ազգային ժողովի պատգամավոր |
Կուսակցություն | ՀՅԴ |
Անդամություն | ՀԳՄ |
Ծնվել է Երևանում։ 1986-ին ավարտել է ԵՊՀ բանասիրության ֆակուլտետը, ստացել բանասերի որակավորում։ 1996-ին ավարտել է Հայաստանի ամերիկայան համալսարանի քաղաքագիտության և միջազգային հարաբերությունների ֆակուլտետը, ստացել քաղաքագիտության մագիստրոսի աստիճան։ 2001-2002-ին սովորել է Եվրախորհրդի քաղաքական հետազոտությունների Թբիլիսյան դպրոցում։ 2006-ին ՀՀ ԳԱԱ-ում պաշտպանել է թեկնածուական ատենախոսություն լեզվաբանությունից և ստացել բանասիրական գիտությունների թեկնածուի աստիճան։ 1986-87-ին աշխատել է Թալինի շրջանի Աշնակ գյուղի միջնակարգ դպրոցում` որպես ուսուցիչ։ 1986-91-ին եղել է ՀԼԿԵՄ Երքաղկոմի պրոպագանդայի բաժնի վարիչը։ 1991-99-ին եղել է Համազգային հայ կրթական և մշակութային միության Հայաստանի գրասենյակի գործադիր տնօրենը։ 1999-2005-ին ստանձնել է ՀՀ ԿԳՆ միջազգային ծրագրերի համադրման և աջակցման կենտրոնի գործադիր տնօրենի պաշտոնը։ 1999-ից Համազգային հայ կրթական և մշակութային միության նախագահն է։ 2005 և 2007 թթ. որպես հրավիրյալ դասախոս դասավանդել է Գլենդելի Համայնքային քոլեջում։
1986-ից հրատարակել է բազմաթիվ հոդվածներ «Նորք», «Բանբեր», «Լրաբեր», «Ավանգարդ», «Երկիր», «Գարուն», «Ազատամարտ», «Ազդակ», «Անդրադարձ», «Երկիր Ավետյաց», «Դրոշակ», «Առավոտ», «Ասպարեզ» և այլ պարբերականներում։
Կանադական գրականությունից լավագույն թարգմանության համար արժանացել է Կանադայի դեսպանատան մրցանակի։
Եղել է մի շարք միջազգային գիտաժողովների նախաձեռնող և կազմակերպիչ, կազկոմիտեի անդամ, հանդես եկել զեկուցումներով։
1990-ից ՀՅԴ անդամ է։ 2006-2007-ին եղել է ՀՅԴ Հայաստանի Գերագույն մարմնի անդամ։ 2007-ի մայիսի 12-ինՀՅԴ կուսակցությունից համամասնական ընտրակարգով ընտրվել է ՀՀ ԱԺ պատգամավոր։ ՀՀ ԱԺ Կրթության, գիտության և մշակույթի հարցերի մշտական հանձնաժողովի անդամ է։[1][2]