«Բյուրեղապակի»–ի խմբագրումների տարբերություն

'''Բյուրեղապակի,''' հատուկ տեսակի ապակի, որի բաղադրության մեջ մտնում է կապարի կամ [[բարիումի օքսիդ]]։ Բյուրեղապակի է անվանվել լեռնաբյուրեղի (վանակի) հետ նմանություն ունենալու համար։ Բյուրեղապակյա իրերին հատուկ է պատերի հաստությունը, լույսի ճառագայթի բեկման բարձր գործակիցը, արտակարգ փայլը։ Դրանք զարդանախշելու ձևերն են՝ փորագրությունը (ոչ խորը փայլատ նախշեր), նիստավորումը կամ կոդավորումը (լայն, հղկած, փայլեցրած նիստեր), փորվածքը (խորը ակոսներ, որոնց հաճախակի հատումից առաջանում է ցանց՝ այսպես կոչված «ալմաստե նիստ»), ողորկումը։ Բյուրեղապակյա իրեր նախ պատրաստվել են [[Անգլիա]]յում ([[17-րդ դար]]ի կես)։ [[1816]] թվականին [[Ֆրանսիա]]յի Բակկարա քաղաքում կազմակերպվել է բյուրեղապակու արտադրություն։ [[Ռուսաստան]]ում բյուրեղապակու արտադրությունը զարգացել է ([[18-րդ դար]]ի 2-րդ կես-[[19-րդ դար]]ի 1-ին կես) [[Պետերբուրգ]]ի ապակու գործարանում։ [[19–րդ դար|19]]-[[20–րդ դար|20-րդ]] դարերում ստեղծվել է նաև գունավոր բյուրեղապակի։ Սովետական շրջանում բյուրեղապակու արտադրությունը նոր վերելք է ապրել ([[Լենինգրադ]]ի գեղարվեստական և տեսակավոր ապակու, Դյատկովոյի և Գուս-Խրուստալնիի գործարանների արտադրանքը)։ Բարձրորակ գեղարվեստական իրեր են արտադրվում [[Չեխոսլովակիա]]յում (Ժելեզնի-Բրոդ)։▼