1978թ1978 թ. ապրիլին [[Աֆղանստան]]ում տեղի ունեցավ հեղաշրջում, որը հետագայում անվանվեց Ապրիլյան։ Իշխանության եկան կոմունիստները։ Կառավարության գլուխ բարձրացավ գրող [[Նուր Մուհամեդ Թարաքի]]ն։ Սակայն մի քանի ամիս անց իշխող կուսակցության ներսում ծագեց սուր պայքար։ 1979թ1979 թ. օգոստոսին կուսակցության երկու առաջնորդների` Թարաքիի և Ամինի միջև հակամարտություն սկսվեց, որի արդյունքում Թարաքիին հանեցին իր պաշտոնից և կուսակցության անդամակցությունից, որից հետո նրան ձերբակալեցին։ Շուտով նա մահացավ։ Այս իրադարձությունները [[Մոսկվա]]յում դժգոհություն առաջացրին։ Կուսակցության շարքերի մասսայական զտումներն ու գնդակահարությունները հիշեցնում էին [[Չինաստան]]ի մշակութային հեղափոխությունը, ուստի [[Մոսկվա]]յում մտավախություններ կային, որ Ամինը կարող է խզել իր հարաբերությունները [[ԽՍՀՄ]]-ի հետ և մերձենալ [[Չինաստան]]ի հետ։
