«Գրիգոր Օտյան»–ի խմբագրումների տարբերություն

'''Գրիգոր Պողոսի Օտյան''' (1834, [[Կ.Պոլիս]] - 1887, [[Փարիզ]]), օսմանահայ հասարակական քաղաքական գործիչ, հրապարակախոս։ Ստացել է իր ժամանակի համար փայլուն կրթություն՝ սկզբում ուսանելով Կ.Պոլսում, այնուհետև՝ Փարիզում։ Եղել է 1848 թ. ֆրանսիական բուժուական հեղափոխության ականատեսը, որը մեծ ազդեցություն է ունեցել նրա գաղափարական ձևավորման վրա։ 1851 թ. վերադարձել է Կ.Պոլիս։ Եղել է սահմանադրական շարժման ղեկավարներից, մասնակցել [[Ազգային սահմանադրություն|Ազգային սահմանադրության]] մշակմանը։ 1875 թ. օգնել է [[Միհդատ փաշա]]յին մշակելու Օսմանյան կայսրության սահմանադրությունը։ 1878 թ. [[Բեռլինի կոնգրես]]ի նախօրյակին [[Կ.Պոլսի հայոց պատրիարքարան]]ի հանձնարարությամբ մշակել է [[Արևմտյան Հայաստան]]ի բարենորոգումների ծրագրի նախագիծ («Ծրագիր կազմակերպական կանոնագրի օսմանյան Հայաստանի»)։ [[Աբդուլ Համիդ Բ|Աբդուլ Համիդ]]ի կողմից օսմանյան սահմանադրության գործողությունը դադարեցնելուց հետո և դրան հաջորդած հալածանքների պայմաններում Օտյանը 1880 թ. ստիպված մեկնել է Փարիզ, որտեղ ապրել է մինչև իր կյանքի վերջը։