Սովորել է [[Գեղեցիկ արվեստների ազգային բարձրագույն դպրոց (Փարիզ)|Փարիզի Գեղեցիկ արվեստների դպրոց]]ում ([[1878]]—[[1879]])։ Ուսումնասիրելով գույնի և լույսի օրինաչափությունները, օպտիկական էֆեկտները՝ ձգտել է ստեղծել գուներանգային, լուսաօդային ու տարածական խնդիրների լուծման գիտական հիմք։ Գծանկարով նրբագեղ, գունահամադրումներով նուրբ, խճանկարչորեն կոտորակված կառուցվածքով Սյորայի գեղանկարչությունն ունի որոշ չաֆով մտացի, վերացական բնույթ («Կիրակնօրյա զբոսանք Գրանդ ժատ կղզում», [[1884]]—[[1886]], Արվեստի ինստիտուտ, [[Չիկագո]])։ Սյորայի գործերին (հատապես վերջին՝ «մոդեռնի» ոճաբանությանը մոտ աշխատանքներին) բնորոշ է նաև մոնումենտալ գեղանկարչության մասշտաբներին ու հնարավորություններին հասնելու ձգտումը («Կրկես», [[1890]]—[[1891]], [[Իմպրեսիոնիզմ]]ի թանգարան, [[Փարիզ]])։
