«Իոնացում»–ի խմբագրումների տարբերություն

'''Իոնացում''', [[իոն]]ների ու ազատ [[էլեկտրոն]]ների գոյացումը էլեկտրականապես չեզոք ատոմներից և [[մոլեկուլ]]ներից։ «Իոնացում» [[տերմին]]ով են արտահայտում ինչպես տարրական ակտը (ատոմի, մոլեկուլի իոնացում), այնպես էլ նման բազում ակտերի համախումբը ([[գազ]]ի, [[հեղուկ]]ի իոնացում)։ [[Գազ]]ի իոնացումը իրագործվում է ուլտրամանուշակագույն, ռենտգենյան և Y-ճառագայթման ազդեցությամբ (ֆոտոիոնացում), էլեկտրոնների, իոնների կամ մեծ արագություն ունեցող ատոմների [[հարված]]ներով (հարվածային իոնացում), պինդ մարմնի մակերևույթից ադսորբված [[ատոմ]]ների և [[մոլեկուլ]]ների պոկման դեպքում՝ դրական կամ բացասական իոնների ձևով (մակերևութային իոնացում), բարձր ջերմաստիճանի դեպքում (ջերմային իոնացում)։ Հեղուկում իոնացումը իրագործվում է նույն մեխանիզմով, ինչ և գազերում։ Իոնացված գազերն ու հեղուկները օժտված են էլեկտրահաղորդականությամբ, որն ընկած է իոնացման պրոցեսների բազմազան կիրառությունների հիմքում։ Պինդ մարմնում իոնացմը էլեկտրոնների անցումն է արժեքական գոտուց հաղորդականության գոտի, որի հետևանքով ատոմները փոխարկվում են իոնների։ Իրագործվում է [[լույս]]ի, էլեկտրական դաշտի ազդեցությամբ, էլեկտրոնների [[հարված]]ից, ջերմային շարժումից։ Իոնացումը բնութագրող մեծություններից է իոնացման պոտենցիալը։ Իոնացման հակառակ պրոցեսը էլեկտրոնների և իոնների ռեկոմբինացիան է։

 

 

[[Կատեգորիա:Ատոմային ֆիզիկա]]