«Սակրավոր»–ի խմբագրումների տարբերություն

Content deleted Content added

Գծային

18:48, 9 Ապրիլի 2016-ի տարբերակ

Սակրավոր (ֆր.՝ sapeur բառից, որը թարգմանաբար նշանակում է փոս փորել, ականահատել), անձ, որը գտնվում է ծառայության մեջ ինժեներական զորքերում: Սակրավորների հիմնական նպատակը պաշտպանողական կամ հարձակողական բնույթի ռազմական գործողությունների ինժեներական ապահովումն է: Ռուսական կայսերական բանակում սակրավորները մտնում էին ինժեներական զորքերի կազմի մեջ և պատերազմի ժամանակ տարբեր սակրավորական աշխատանքներ էին իրականացնում մարտի դաշտում և ամրոցներում^[1]:

Լեյբ-գվարդիայի սակրավորային գումարտակի *սակրավորները*:
1853 թվական: Ա. Ի. Հեբենսի նկարը:
Կենտրոնում ճեղանի վրա նստած է գումարտակի հրամանատար, գեներալ-մայոր Ն. Ֆ. Խոմուտովը, աջ կողմի ծայրից՝ գնդապետ Նիկոլայ Զացեպինը (հայտնի նկարիչը զոհվել է 1855 թվականի մայիսի 10-ին Սևաստոպոլի պաշտպանության ժամանակ: (Սուվորովի թանգարանը Սանկտ-Պետերբուրգում)

Պատմականորեն սակրավորների խնդիրներն էին հանդիսանում՝

Պաշտպանողական կառույցների տակ ականահատումը կամ խրամատների փորումը հակառակորդի դիրքերին աննկատորեն մոտենալու համար,
Ռազմաճակատում սեփական ամրաշինական ռազմական կառույցների ստեղծումը,
Փոխադրումների ապահովումը գետերի և ճահիճների միջով,
Մատակարարումների գծերի հաստատումը և ենթակառուցվածքի վնասված կառույցների վերականգնումը,
Ականների, հրթիռների և արկերի վնասազերծումը:

Առօրյա կյանքում սակրավոր են անվանում այն մարդկանց (պարտադիր չէ, որ նա լինի զինծառայող), ովքեր զբաղվում են ականների և չպայթած արկերի վնասազերծմամբ:

Սակրավորների մասնագիտական տոնը նշում են հետևյալ երկրներում՝

Որոշ արտասահմանյան երկրների զինված ուժերում սակրավոր տերմինին համապատասխանում է պիոներներ տերմինը ^[1]:

Սակրավորական գործի պատմություն

«Սակրավոր» տերմինի հայտնվել է վերաբերում է 17-րդ դարին, երբ այդպես էին անվանում այն զինծառայողներին, ովքեր հակառակորդի պաշտպանողական կառույցների տակ ականահատում էին իրականացնում հետագայում դրանք ոչնչացնելու նպատակով ^[2]: 1678 թվականին Ֆրանսիայում սակրավորներն առանձնացվել են հատուկ զորամասերում և ստորաբաժանումներում, իսկ 1712 թվականին՝ Ռուսաստանում ^[2]:

Պետրոս I-ի օրոք՝ 1707 թվականին, Մոսկվայում ստեղծվել է Ինժեներական դպրոց՝ հրամանատարական կազմի պատրաստման համար, իսկ ավելի ուշ կազմավորվել են առաջին սակրավորական զորամասերը՝ առանձին ինժեներական և ականորդային վաշտեր:

Գերմանիայում, Ավստրիայում և մասամբ Ֆրանսիայում սակրավորային զորամասերը միաձուլված էին զոմազորամասերի հետ, Ռուսաստանում դրանք առանձին էին գործում:

18-19-րդ դարերում սակրավորների առջև դրված խնդիրները մեծանում էին:

20-րդ դարում մասնագիտացում էր տեղի ունեցել՝ սակրավորների կազմից առանձնացվել են երկաթուղայիններ, օդագնացներ, ավտոմոբիլիստներ և այլն ^[2]:

Տիպեր

Զորագնդային սակրավորներ
Դիվիզիոն սակրավորներ
Կորպուսային սակրավորներ
Բանակային սակրավորներ
Ռազմաճակատային սակրավորներ
Զորքային սակրավորներ

Սակրավորները մասսայական մշակույթում

Լայնորեն տարածված է ասացվածքը «Սակրավորը սխալվում է միայն մեկ անգամ» ^[3], որը պայմանավորված է ականազերծման աշխատանքների վտանգի մեծ աստիճանով, երբ ցանկացած սխալ կարող է մահացու լինել: Բացի այդ կա նաև կատակ. «Սակրավորը սխալվում է երկու անգամ՝ առաջին անգամ, երբ դառնում է սակրավոր»:
Սակրավոր (խաղ) – համակարգչային խաղ-գլուխկոտրուկ, որը լայն տարածում է գտել Windows օպերացիոն համակարգի շնորհիվ, որի բազային փաթեթի մեջ այն ներառված է:
Սակրավոր Վոդիչկա – Յարոսլավ Հաշեկի «Քաջարի զինվոր Շվեյկի արկածները» վեպի կերպար:

Պատկերասրահ

Սակրավորը «Դուբլոն» պաշտպանական հագուստով ձեռքին արկ է պահում Ռուսաստանի ԶՈՒ գվարդիական ինժեներա-սակրավորական բրիգադի և ինժեներա-քողարկող գնդի ուսումնավարժությունների ժամանակ, Մոսկվայի մարզ, 2011թվական, 19 հունվարի: Լուսանկարը՝ «ՌԻԱ Նովոստի»-ի:
Ռուսաստանի Անվտանգության դաշնային ծառայության սակրավորն աշխատում է ռուսական միջազգային տեղեկատվական ՌԻԱ Նովոստի գործակալության շենքի մոտ, Զուբովսկի բուլվար, որտեղ մուտքի մոտ հայտնաբերվել է կասկածելի տուփ, Մոսկվա, Ռուսաստան, լուսանկարը՝ «ՌԻԱ Նովոստի»-ի:
Ականազերծման համար նախատեսված պաշտպանիչ հագուստ: