«Ելիզավետա Բիկովա»–ի խմբագրումների տարբերություն

'''Ելիզավետա Իվանովնա Բիկովա''' ({{lang-ru|Елизаве́та Ива́новна Бы́кова}}, {{ԱԾ}}), խորհրդային [[շախմատ]]իստուհի, աշխարհի երրորդ չեմպիոնուհին (1953 - 1956, 1958 - 1962), սպորտի վաստակավոր վարպետ (1953), [[միջազգային վարպետ]] (1953), կանանց [[գրոսմայստեր]] (1976), տնտեսագետ-պլանավորող, լրագրող:

Առաջին հաջողությունների հասնում է [[Մոսկվա]]յի առաջնություններում (1937, 3-րդ տեղ), Մոսկվայի վեցակի չեմպիոնուհի (1938 -1952) և [[ԽՍՀՄ]] եռակի չեմպիոնուհի (1947, 1948, 1950): [[Հայրենական մեծ պատերազմ]]ի տարիներին հանդես էր գալիս մոսկովյան հիվանդանոցներում իր դասախոսություններով և միաժամանակյա խաղաշարերով:

[[1953]] թվականին աշխարհի առաջնության մրցախաղում 8:6 հաշվով հաղթում է [[Լյուդմիլա Ռուդենկո]]յին: Իսկ 50-ականների վերջին և 60-ականների սկզբին Մոսկվայում խաղացել է աշխարհի առաջնության 3 մրցախաղում ([[1958]] և [[1960]] հաղթել է [[Օլգա Ռուբցովա|Օ. Ռուբցավային]] և Ա. Զվորիկինային): [[1962]] թվականին տիտղոսը զիջել է [[Նոնա Գափրինդաշվիլի]]ին: Հանդես է եկել մոսկովյան առաջնություններում մինչև 70-ականների վերջը:

Պարգևատրվել է «Պատվո նշան» շքանշանով: