[[1907]]-[[1909]] թվականներին սովորել է [[Բեռլին]]ի կոնսերվատորիայում (դաշնամուրի դասարան, դասատու՝ Շուլց), [[1915]] թվականին ավարտել է [[Պետրոգրադ]]ի կոնսերվատորիան (կոմպոզիցիայի դասարան, դասատուներ՝ Վ․ Կալաֆատի, [[Մաքսիմիլիան Շտեյնբերգ]], Մ․ Վիտոլ): Դասավանդել է Թբիլիսիի և Երևանի կոնսերվատորիաներում:կոնսերվատորիաներում։ Ստեղծագործության հիմնական ժանրը դաշնամուրային մանրանվագն է:է։ Ստեղծել է ազգային երանգով դաշնամուրային պիեսներ:պիեսներ։ Նրա «Արևելյան պարերը» ([[1910]]-[[1913]]) նկատելի դեր են կատարել ազգային դաշնամուրային ստեղծագործության զարգացման սկզբնական շրջանում:շրջանում։ Սարգիս Բարխուդարյանի գրչին են պատկանում նաև դաշնամուրային պիեսների երկու շարք ([[1910]]-[[1918]], [[1915]]-[[1923]]), «Անուշ» սիմֆոնիկ պոեմը ([[1917]]), «Անդրֆեդերացիա» սյուիտը ([[1932]]), «Նարինե» բալետը ([[1938]], չի բեմադրվել), 25 պիես-մանրանկար ([[1942]]-[[1943]]), «1943» նախերգանքը, «Քեռի քուչի» մանկական օպերան ([[1945]], բեմադրություն [[1946]], [[Հակոբ Պարոնյանի անվան երաժշտական կոմեդիայի պետական թատրոն|Երևանի երաժշտական կոմեդիայի թատրոն]]), երաժշտություն թատերական ներկայացումների համար ([[Հակոբ Պարոնյան]]ի «Մեծապատիվ մուրացկաններ», [[Դերենիկ Դեմիրճյան]]ի «Քաջ Նազար» և այլն), կինոերաժշտություն («Կարո», «Տերն ու ծառան»), ռոմանսներ, ժողովրդական և աշուղական երգերի մշակումներ:մշակումներ։
