«Երևանի մանկական երկաթուղի»–ի խմբագրումների տարբերություն

'''Երևանի մանկական երկաթուղի''', գտնվում է [[Երևան]]ի [[Կենտրոն համայնք]]ում, Հրազդանի կիրճում, երկարությունը՝ 2,1 [[կմ]], կանգառները՝ «Հայրենիք», «Պիոներական» և մեկ հարթակ։

 

Երևանում մանկական երկաթուղի ստեղծելու գաղափարը [[1935]] թվականին առաջ է քաշել ՀԿԿ կենտկոմի առաջին քարտուղար [[Աղասի Խանջյան]]ը։ 1935 թվականին ԽՍՀՄ պետպլանի կողմից Երևանի մանկական երկաթգծի կառուցումը մտել է 1936 թվականի տարեկան ծրագրի մեջ։ [[1936]] թվականի [[ապրիլի 22]]-ին՝ համամիութենական շաբաթօրյակի ժամանակ, Աբովյանի անվան քաղաքային այգում Աղասի Խանջյանը դրել է այն հիմնաքարը, որի վրա կառուցվել է «Փարոս» կայարանը։ Այն հետագայում վերանվանվել է «Հայրենիք»։ Նախատեսված էր մանկական երկաթուղին շահագործման հանձնել [[1937]] թվականի [[նոյեմբերի 7]]-ին՝ [[Հոկտեմբերյան Հեղափոխություն|Հոկտեմբերյան հեղափոխության]] հաղթանակի օրը, պաշտոնապես բացվել է 1937 թվականի [[հուլիսի 6]]-ին։ Մանկական երկաթուղու այգու գլխավոր [[Ճարտարապետություն|ճարտարապետ]]ը [[Միքայել Մազմանյան]] է, կայարանի քարե շենքի հեղինակն է ճարտարապետ [[Գոհար Գրիգորյան]]ը։ Այգու մուտքի մոտ տեղադրված են աղբյուրներ՝ ԽՍՀՄ-ի հերոսների անուններով։ Ներկայումս գնացքն անցնում է այլևս չգործող «Ուրախություն» կայարանի կողքով և կանգնում է «Պիոներական» կայարանում։ Քանի որ այն նույնպես չի գործում, մարդիկ մնում են իրենց տեղերում և գնացքը հետընթաց վերադառնում է «Հայրենիք» կայարան։ Թունելի վերևում՝ժայռերի մեջ տեղադրվել է [[Քանդակագործություն|քանդակագործ]] [[Վիլյամ Պետրոսյան]]ի [[Հովազ (քանդակ, Երևան)|«Հովազ» քանդակը]]։