[[Տերևաթափ]] ծառեր են` 15-20 մետր բարձրությամբ և 60-80 սմ բնի տրամագծով: Սաղարթը վրանաձև է, խիտ, մինչև 15 մ պրոյեկցիայով: Երիտասարդ ընձյուղները մոխրագորշավուն են, աղվամազապատ: Տերևները[[Տերև]]ները ամռանը մուգ կանաչ են, աշնանը ստանում են բաց դեղնավուն գույն, հարթ են կամ կնճռոտ, լայն-օվալաձև կամ ձվաձև, հիմքում սրտաձև կամ թեք սրտաձև, կլորավուն, սրածայր, խոշոր բլթակավոր են, 6-15 սմ երկարությամբ տերևաթիթեղով: Տերևակոթունները բարակ են, տերևաթիթեղից կարճ: Առէջային ծաղիկները (կատվիկները) ունեն 3 սմ երկարություն, վարսանդայինները'վարսանդայինները՝ երկարավուն կամ համարյա գնդաձև են: Բացվում են ապրիլին: Պտղաբույլերը հասնում են 1-2.5 սմ երկարության, սպիտակ են, կանաչ սպիտակավուն կամ ծիրանա-սևագույն, քաղցրահամ: Ընկուզիկները (որոնց պրակտիկայում սերմ են անվանում) անկյունավոր կլոր են, բաց գորշավուն: Սպիտակ թթենին պտղաբերում է 4-5 տարեկանից: Պտուղները[[Պտուղ]]ները հասունանում են հուլիսին: Երիտասարդ տարիքում արագ է աճում, սահմանային բարձրության հասնելով 40-50 տարեկանում, որից հետո գագաթնային աճը գրեթե դադարում է: Ապրում է 200-300 տարի:
