«Անաբապտիզմ»–ի խմբագրումների տարբերություն

'''Անաբապտիզմ''' ({{lang-el|ανα}} - կրկին + {{lang-el|βαπτιζω}} – կրկին մկրտում եմ)՝, կրկնակնունքներ, [[Արմատական Ռեֆորմացիա]]յի [[քրիստոնյա]]ները Արևմտյան և Կենտրոնական [[Եվրոպա]]յում, [[16-րդ դար]]։ Պահանջվում էր կրկին մկրտվել հասուն տարիքում անաբապտիզմի համայնքի մեջ ընդունվելիս, մերժում [[եկեղեցի|եկեղեցական]] բոլոր կազմակերպություններն ու հիերարխիան, սրբապատկերները, խորհուրդը, ժխտում հոգևոր և աշխարհիկ իշխանությունների անհրաժեշտությունը, հրաժարում հարկ վճարելուց, հրաժարում զինվորական ծառայությունից և հասարակական պաշտոն զբաղեցնելուց։ Նրանք քննադատում էին հարստությունն ու սոցիալական անհավասարությունը, քարոզում ունեցվածքի ընդհանրություն։

Անաբապտիստները հավատում էին [[Հիսուս Քրիստոս|Քրիստոսի]] արքայության հազարամյա հաստատմանը։ Այդ ուսմունքն ըստ էության սոցիալական բողոք էր ֆեոդալական կարգերի դեմ։

Անաբապտիզմի սոցիալական բազան քաղաքային պլեբեյությունն էր, գյուղացիությունը, բյուրգերականության արմատական խավերը։

Անաբապտիստները սերում էին արմատական-միստիկական աղանդից ([[ցուիկաույան քարոզիչներ]]ը [[Թյուրինգիա]]յում, [[սակրամենտիստներ]]ը՝ [[Նիդերլանդներ]]ում) և ամենից վաղ տարածվեցին [[Գերմանիա]]յում, որտեղ ստացան [[Մյունցեր|Թ. Մյունցերի]] աջակցությունը, և [[Ցյուրիխ]]ում ([[Շվեյցարիա]])։ Նրանք 1524-1525 թթ. մասնակցեցին Գյուղացիական պատերազմին Գերմանիայում։