«Անտագոնիզմ (հասարակություն)»–ի խմբագրումների տարբերություն

Անտագոնիստական հակասությունները շահագործողական հասարակության հասարակական հարաբերություններին հատուկ այն հակասություններն են, որոնց հիմքում ընկած են թշնամական դասակարգերի, խմբերի, ուժերի անհաշտելի շահերը։ Այդ կարգի հակասությունները լուծվում են հեղափոխական [[դասակարգային պայքար]]ի ու [[սոցիալական հեղափոխություն|սոցիալական հեղափոխության]] միջոցով, որը փոխում է տվյալ հասարակարգը։ Անտագոնիստական հակասությունների բնորոշ գիծն այն է, որ իրենց զարգացման ընթացքում նրանք սրվում են, խորանում են և նրանց միջև պայքարը հասնում է սուր [[կոնֆլիկտ]]ի։ Այդ կոնֆլիկտի լուծման ձևերը որոշվում են պայքարի կոնկրետ պատմական պայմաններով։ Անտագոնիստական հակասությունների ցայտուն օրինակ են [[բուրժուազիա]]յի և [[պրոլետարիատ]]ի միջև եղած հակասությունները [[կապիտալիզմ|կապիտալիստական հասարակության]] մեջ, ինչպես և [[իմպերիալիզմ|իմպերիալիստական]] պետությունների միջև եղած հակասությունները, որոնց աղբյուրն է կապիտալիստական երկրների պայքարը [[շուկա]]ների ու ազդեցության ոլորտների համար, նրանց [[մրցակցություն]]ը։ Եվ չնայած վերջիններս դասակարգային հակասություններ չեն և այդ պատճառով էլ պակաս ուժեղ ու սուր են, քան անտագոնիզմը բուրժուազիայի ու պրոլետարիատի միջև, դրանք հասցնում են տարբեր երկրների իմպերիալիստների միջև բռնի պայքարի։ Այդ հակասությունների մեջ են թաքնված աշխարհի վերաբաժանման և վաճառահանման շուկաների համար մղվող և այլ իմպերիալիստական [[պատերազմ]]ների պատճառները։

Ոչ անտագոնիստական հակասությունները արտահայտվում են ոչ թե թշնամական դասակարգերի, այլ այնպիսի դասակարգերի, սոցիալական խմբերի հակասությունները, որոնց հատուկ է արմատական շահերի ընդհանրությունը։ Այդպիսի հակասությունների բնորոշ գիծն այն է, որ դրանք իրենց զարգացման մեջ չեն վերածվում անպայման թշնամական հակադրության և նրանց միջև պայքարը չի հասնում կոնֆլիկտի։ Նման հակասությունների օրինակ կարող են ծառայել այն հակասությունները, որ գոյություն ունեն բանվոր դասակարգի, որպես սոցիալիզմի կրողի, և գյուղացիության, որպես մանր սեփականատերերի դասակարգի, միջև։ Ոչ անտագոնիստական հակասությունները հաղթահարվում են այդ հակասություններն առաջացնող տնտեսական, սոցիալական և այլ պայմանների աստիճանական ու պլանաչափ վերափոխման միջոցով։

{{քաղվածք|Անտագոնիզմը և հակասությունը բոլորովին էլ նույն բանը չեն։ Առաջինը կանհետանա, երկրորդը կմնա սոցիալիզմի ժամանակ։|Լենինյան ժողովածու (ռուսերեն) հատոր 11, էջ 357}}