«Ջոն Ռոնալդ Ռուել Թոլքին»–ի խմբագրումների տարբերություն

'''Ջոն Ռոնալդ Ռուել Թոլքին''' ({{lang-en|John Ronald Reuel Tolkien}}; [[հունվարի 3]], [[1892]] - [[սեպտեմբերի 2]], [[1973]]), [[անգլիացիներ|անգլիացի]] հանրահռչակ գրող և բանասեր, [[Օքսֆորդի համալսարան]]ի պրոֆեսոր, որտեղ դասավանդել է անգլոսաքսոնական լեզու ([[1925]]-[[1945]]), այնուհետև՝ անգլերեն լեզու և գրականություն ([[1945]]-[[1959]])։ Դավանանքով կաթոլիկ։ 1972 թ մարտի 28-ին Թոլքինին շնորհվել է Բրիտանական կայսրության կոմանդորի կոչումը։ Գրել է հիմնականում [[ֆենթեզի]] ժանրում։ Նրա ամենահայտնի ստեղծագործությունները «[[Հոբիտ կամ գնալն ու գալը]]» վեպն է և «[[Մատանիների տիրակալը]]» եռագրությունն են։

«Մատանիների տիրակալը» երկրորդ համաշխարհային պատերազմից հետո անգլերեն լեզվով գրված ամենահանրաճանաչ գրքերից մեկն է։ 1968 թվականին անգլիախոս աշխարհում եռագրություն կարդացել էր 50 միլիոնից ավելի մարդ։ Ներկայումս վեպը թարգմանվել է 40-ից ավելի լեզուներով։ [[2003]] թվականին բրիտանական BBC ինտերնետային և հեռուստառադիոընկերության հարցումների համաձայն 200 լավագույն գրքերի ցուցակում առաջին տեղը գրավեց «Մատանիների տիրակալը»։

Թոլքինը ունի բազմաթիվ հետևորդներ։ Նրա ընկերն ու բարեկամն էր [[Քլայվ Ստեյփլզ Լյուիս]]ը՝ «[[Նարնիայի քրոնիկներ]]ի» հեղինակը, «ֆենթեզի» ժանրի հիմնադիրներից մեկը։ Նրա և Թոլքինի ստեղծագործությունները փոխադարձ ազդեցություն են ունեցել միմյանց վրա։ Ամբողջ աշխարհում բազմաթիվ հեղինակներ խոստովանում են Թոլքինի ուղղակի ազդեցությունը իրենց ստեղծագործության վրա։ Նրանցից կարելի է նշել [[Ջոան Ռոուլինգ]]ին՝ «[[Հարրի Պոտեր]]ի» հեղինակին և սանկտ-պետերբուրգցի գրող, [[Նիկ Պերումով]]ին (Փիրումյան), որի վեպերում իրադարձությունները կատարվում են «Մատանիների տիրակալից» 300 տարի անց։