'''Խոտհարք''', հողահանդակներ՝ խոտածածկով, որոնք պարբերաբար հնձվում են [[խոտ]]ի, սենաժի, [[սիլոս]]ի կամ կանաչ կերի համար։
Խոտհարքները լինում են ցանովի և բնական։ Ցանովի խոտհարքները ստեղծվում են կերային, դաշտային և այլ ցանքաշրջանառություններում կամ ցանքաշրջանառությունից դուրս՝ բազմամյա ու միամյա խոտաբույսերի ցանքի միջոցով։ [[1977]] թ.-ին [[ՍՍՀՄ]]-ում խոտհարքի ընդհանուր տարածությունը 42, 4 միլիոն հա էր ([[Հայաստան]]ում՝ 137 հզ. հա)։ [[Հայաստան]]ում խոտհարքները տարածված են ենթալպյան, ետանտառային, մարգագետնա-տափաստանային գոտիներում։ Բերքատվությունը՝ 15 - 25 ց/հա։ [[Հայաստան]]ում խոտի գերակշռող մասն ստացվում է խոտհարքներից։ Խոտհարքի բերքատվությունը բարձրացնելու համար անհրաժեշտ է պարարտացում, ոռոգում, մոլախոտերի ոչնչացում, բազմամյա խոտասերմերի ենթացանք, ինչպես նաև [[խոտհարքաշրջանառություն]]։
