«Քյութահյա»–ի խմբագրումների տարբերություն

| կարգավիճակ = Քաղաք

| հայերեն անվանում = Քյոթահիա

| կայքի լեզու = tr

}}

[[Փոքր Ասիա]]յում, պատմական Փռյուգիայի տարածքում, Կ.Պոլսից 125 մղոն տարածության վրա, դեռ անտիկ շրջանում գոյություն ուներ Kotyaion քաղաքը։ Այժմ այն կոչվում է Քյոթահիա, և այստեղ հայեր այլևս չեն ապրում։ Բայց միջնադարում Քյոթահիայում աշխույժ և հարուստ հայկական համայնք էր առաջացել, ուր էլ XIV-XV դդ. աստիճանաբար թափ հավաքեց և զարգացավ հախճապակյա սալիկներ պատրաստելու արհեստը, և ձևավորվեց Քյոթահիայի հայկական սալիկների դպրոցը։ Ամենավաղ պահպանված նմուշները թվագրվում են XVI դարով։

Վաղ քյոթահիական հայկական սալիկները երկգույն են՝ սպիտակ և կապույտ, և միայն XVII դարում հայ վարպետները սկսում են օգտագործել դեղին, կանաչ և հայտնի հայկական կարմիր (tomato-red color armenian) գույները։ Քյոթահիան դարձավ հայկական հախճապակու արտադրության կենտրոն, և Օսմանյան կայսրության մեջ նրա հիմնական մրցակիցը Իզնիկն էր, որի արտադրանքն, ի տարբերություն հայ վարպետների "քրիստոնեական" սալիկների, "իսլամական" թեմատիկայով էր։