«Մարս (մոլորակ)»–ի խմբագրումների տարբերություն

Հյուսիսային կիսագնդում, հսկայական հրաբխային հարթավայրերից զատ, գտնվում են խոշոր հրաբուխների երկու շրջան՝ [[Թարսիս նահանգ|Թարսիս]] և [[Էլիզիում սարահարթ|Էլիզիում]] շրջանները։ Թարսիսը հսկայական հրաբխային հարթավայր է 2000 կմ երկարությամբ, որը հասնում է միջին մակարդակից 10 կմ բարձրության։ Նրա վրա են գտնվում երեք խոշոր [[վահանաձևվահանային հրաբուխ]]՝ [[Արսիա լեռ]]ը, [[Սիրամարգի լեռ]]ը և [[Ասկրիաուս լեռ]]ը։ Թարսիսի սահմանին մոտ է գտնվում, Մարսի և [[Արեգակնային համակարգ]]ի ամենաբարձր<ref>{{cite book | first=Քրեյգ | last=Գլենդի | year=2009 | page=12 | title=Գինեսի ռեկորդների գիրք | publisher=Ռանդոմ հաուզ| isbn=0-553-59256-4}}</ref> [[Օլիմպոս (Մարս)|Օլիմպոսը]] լեռը։ Օլիմպոսը հասնում է 27 կմ բարձրության իր ստորոտի համեմատ<ref name=glenday09 /> և 25 կմ Մարսի միջին մակարդակի համեմատ, և զբաղեցնում է 550 կմ տրամագծով տարածք, որը շրջապատված է տեղ-տեղ 7 կմ հասնող զառիթափներով։ Օլիմպոսի ծավալը 10 անգամ գերազանցում է Երկրի ամենախոշոր հրաբուխի՝ [[Մաունա-Կեա]]յի ծավալը։ Այստեղ են գտնվում նաև մի քանի ավելի փոքր հրաբուխներ։ Էլիզիումը բարձրավանդակ է մինչև վեց կիլոմետր բարձրությամբ միջին մակարդակի համեմատ, երեք հրաբուխներով՝ [[Հեկատա գմբեթ]], [[Էլիզիում լեռ]] և [[Ալբոր գմբեթ]]։