'''ՈւփլիցիխեՈւփլիսցիխե''' («Տիրակալի ամրոց»), վիմափոր [[քաղաք]] Վրացական ԽՍՀ Դորիի շրջանում, [[Կուր գետ]]ի ձախ ափին։ Ստեղծվել է մ․թ․ա․ I հազարմյակի 1-ին կեսին, անտիկ շրջանում ու վաղ միջնադարում եղել կենտրոնական Քարթլիի անառիկ [[ամրոց]]-քաղաքներից մեկը, [[IX դար]]ից՝ [[Վրաստան]]ի կարևոր քաղաքներից, որոշ ժամանակ՝ [[մայրաքաղաք]]ը։ [[XIII դար|XIII դ․]] ՈւփլիցիխենՈւփլիսցիխեն ավերել են մոնղոլները, այն կորցրել է իր պաշտպանական նշանակությունը և վերածվել գյուղական բնակավայրի։ [[Հովհաննես Դրասխանակերտցի]]ն և «Քարթլիի մատյանը» պատմում են [[X դար|X դ]]․ ՈւփլիցիխեինՈւփլիսցիխեին տիրանալու համար մղվող [[պայքար]]ի մասին. [[Սմբատ Խոստովանող]]ը ետ է գրավել այն Ափխազքի թագավոր [[Կոստանդին]]ից, իսկ նույն դարի վերջին քառորդում ՈւփլիցիխեինՈւփլիսցիխեին տիրացել է Բագրատ IV-ը (ի թիվս այլ աղբյուրների, այդ մասին է վկայում Աթենիի Սիոնի հայերեն [[արձանագրություն]]ներից մեկը)։ ՈւփլիցիխեումՈւփլիսցիխեում հայերը հաստատվել են [[Սմբատ Խոստովանող]]ի [[Թագավորություն|թագավորության]] տարիներից։ Հետագա դարերում, ներգաղթերի պատճառով, հայոց թիվը ստվարացել է։ [[XV դար|XV դ]]․ սկզբներին այստեղ են ապաստանել Սյունիքի Սմբատ իշխանն ու նրա որդի Բեշքենը՝ բազմաթիվ հայ ընտանիքների հետ։ Հավանաբար [[XIV դար|XIV դ]]․ է կառուցվել ՈւփլիցիխեիՈւփլիսցիխեի հայկական [[Սուրբ Նշան եկեղեցի]]ն, որն ավերվել է [[1920 թվական]]ի [[երկրաշարժ]]ի ժամանակ։ Մ․ Բրոսեն տեսել ու նկարագրել է այդ կառույցը, որի պատին ագուցված [[խաչքար]]երից մեկի բեկորը պահպանվել է՝ շինարարական արձանագրության պատառիկով։ Ըստ դրա, [[1585 թվական]]ին ՈւփլիցիխեումՈւփլիսցիխեում ոմն մահտեսի Մկրտիչ կառուցել է ժայռափոր ուղղանկյուն [[խորան]]ով [[Սուրբ Աստվածածին եկեղեցի]]ն։ Այժմ ՈւփլիցիխեՈւփլիսցիխե գյուղը վերաբնակեցված է Կուրի աջ ափին՝ Քվախվրկի հայաբնակ [[գյուղ]]ի արևմտյան շարունակության վրա։
