'''Հովսեփ Պաղնացի''' (ծննդյան և մահվան թթ. անհայտ), [[V5-րդ դար]]ի [[հայ]] թարգմանիչ։ [[Հայկական այբուբեն]]ի ստեղծման նպատակով [[Մեսրոպ Մաշտոց]]ի հետ [[Ասորիք]] մեկնած աշակերտներից մեկի՝ Հովհան Եկեղեցացու հետ մասնակցել է [[Աստվածաշունչ|Աստվածաշնչի]] Մեսրոպ Մաշտոցի ձեռնարկած թարգմանությանը։ Հետագայում, [[Եզնիկ Կողբացի|Եզնիկ Կողբացու]] հետ, նա նորից է գնացել Ասորիք՝ հոգևոր հայրերից թարգմանություններ կատարելու։ Այստեղից, [[հունարեն]]ի մեջ հմտանալու նպատակով, մեկնել են [[Կ. Պոլիս]], որտեղ նրանց են միացել Ղևոնդ Երեցը և [[Կորյուն]]ը։ Հովսեփ Պաղնացին և նրա ընկերները կարգվել են հունարենի թարգմանիչներ։ Նրանք թարգմանելու համար իրենց հետ հայրենիք են բերել Աստվածաշնչի լավագույն օրինակը և [[Նիկիայի Բ եկեղեցական ժողով|Նիկիայի]] ու [[Եփեսոսի Գ տիեզերական ժողով|Եփեսոսի]] ժողովների կանոնները։
