'''Թովմաս Պետրոսի Ֆասուլաճյան''' ([[հուլիսի 25]], [[1843]]., [[Կ. Պոլիս]] - [[սեպտեմբերի 22]], [[1901]], [[Ալեքսանդրիա]]), հայ դերասան, թատերական գործիչ։
== Կենսագրություն ==
Սովորել է Կ. Պոլսի Նոր թաղի և Գումգափուի վարժարաններում։ Հանդես է եկել [[Արևելյան թատրոն (Թուրքիա)|Արևելյան թատրոն]]ում, առավել աչքի ընկել Վասպուրական թատրոնում։ [[1864]] թվականից՝ կնոջ՝ [[Պայծառ Ֆասուլաճյան]]ի հետ շրջագայել է [[Տրապիզոն]]ում, [[Թիֆլիս]]ում, Մոզդոկում, Ղզլարում, [[Աստրախան]]ում։ 1869-711871 թվականներին թատերախումբ է ղեկավարել [[Նոր Նախիջևան]]ում, [[1872]]-[[1877]] թվականներին՝ Վարդովյան թատրոնի դերասան և ռեժիսոր։ Դերերից են՝ ''Դակոբեր'' (Է. Սյուի «Թափառական հրեան»), ''Թրիբուլե'' ([[Վիկտոր Հյուգո]]յի «Արքայն զբոսնու») ևն։ [[1880]]-ական թվականներին մեծ համբավի է արժանացել Բրուսայում՝ հիմնականում թուրքական ներկայացումներով և [[Մոլիեր]]ի կատակերգությունների բեմադրություններով, խաղացել ''Տարտյուֆի'' («Տարտյուֆ»), ''Դոն Ժուանի'' («Դոն Ժուան») դերերը։ [[1893]] թվականից գործել է [[Բուլղարիա]]յում, [[Ռումինիա]]յում։ Գրել է պիեսներ («Երկու քաղցածներ», «Սևի տեղ սպիտակ», «Տայի Միրիկ Անդենը» ևն)։ <ref>«Ով ով է։ Հայեր» հանրագիտարան, հատոր երկրորդ, Հայկական հանրագիտարան հրատ., Երևան, 2007, էջ 691:</ref>
