«Գալե»–ի խմբագրումների տարբերություն
Նոր էջ «{{Տեղեկաքարտ Ռազմական գործիչ | ամբողջական անուն = Գալե | բնօրինակ անուն = | կյանքի ժամանակաշրջան = ան...»: |
(Տարբերություն չկա)
|
21:37, 15 Օգոստոսի 2015-ի տարբերակ
Գալե, հայ ֆիդայի։ Ծնվել է Սասունի Սպաղանք գյուղում:
Գալե | |
---|---|
անհայտ - 1907 | |
Ծննդավայր | Արևմտյան Հայաստան, Սասունի Սպաղանք |
Մահվան վայր | Արևմտյան Հայաստան, Սուլուխ |
Մարտեր/ պատերազմներ | Սասունի ինքնապաշտպանություն (1891-1894) Սասունի ինքնապաշտպանություն (1904) |
Կենսագրություն
Սպաղանցի Մակարի քրոջ որդին, ազգակից էր նաև ֆիդայիներ Ազեին և Ազոյին։1892թ․-ից զենք է վերցրել և պայքարել Օսմանյան կառավարության դեմ՝ մասնակցելով Սպաղանաց Մակարի և Գևորգ Չաուշի գլխավորած բոլոր մարտական գործողություններին։ 1894թ․ Սասունի ապստամբության ժամանակ մասնակցել է Տալվորիկի և Գելիեգուզանի կռիվներին։1896-1900թթ․Գալեն դառնում է Գևորգ Չաուշի ամենահուսալի գործակիցը։ 1900թ․, երբ քուրդ ցեղապետ Բշարե Խալիլը կոտորում է Սպաղանքի բնակիչներին, Մակարն ու Գալեն երդվում են վրեժ լուծել իրենց հարազատների արյան համար։ Խալիլը նաև նենգաբար սպանել էր ֆիդայապետ Աղբյուր Սերոբին, և մնացած ֆիդայիներն էլ իրենց հերթին երդվել էին լուծել Սերոբի վրեժը։ 1900թ․ հայդուկները Գևորգ Չաուշի, Մակարի, Անդրանիկի գլխավորությամբ վերջապես իրականացնում են վրեժխնդրությունը՝ գլխատելով Բշարե Խալիլին, իսկ Գալեն այդ գործողության ընթացքում դրսևորում է արտակարգ հնարամտություններ։ Այնուհետև Գևորգի հետ մասնակցում է Բերդակի հաղթական կռիվներին։ Սասունի 1904թ․ապստամբության ժամանակ հաջողությամբ պաշտպանում էր նաև Հրայրից իրեն վստահված Գրեգոլի դիրքը։ 1907թ․զոհվում է Գևորգ Չաուշի հետ Սուլուխի կռվում։ Գալեն թաղված է Քուրդմեյդան գյուղում։
Աղբյուրներ
- Ս․ Կ․ Պողոսյան, Կ․ Ս․ Պողոսյան, «Ինձ բահ տվեք․․․», Երևան, 1990:
- Ռուբէն, «Հայ յեղափոխականի մը յիշատակները», Թեհրան, 1982: