Տրամաբանական գործողություններ

Տրամաբանական գործողություններ, տրամաբանական ասույթներ և պրեդիկատներ կամ տրամաբանական արժեքներ ձևափոխող գործողություններ։ Ասույթային տրամաբանական գործողությունները (կոնյունկցիա՝ &, դիզյունկցիա՝ V, իմպլիկացիա՝ → ժխտում՝ — ) վերաբերում են ասույթներին կամ տրամաբանական արժեքներին․ մոդալ տրամաբանությունում դիտարկվում են նաև $\Diamond$ («հնարավոր է») և $\Box$ («անհրաժեշտ է») ասույթային տրամաբանական գործողությունները․։ Պրեդիկատները ձևափոխող տրամաբանական գործողություններ են քվանտորները։ Օգտագործվում են նաև հատուկ տիպի տրամաբանական գործողություններ․, ասենք, Դ․ Հիլբերտի սահմանած ε օպերատորը, որի կիրառման արդյունքում, օրինակ, х+1<у<x+3 պրեդիկատի նկատմամբ բնական թվերի տիրույթում ստացվում է εy(x+l<y<x+3)(«այնպիսի y, որի համար տեղի ունի x+l<y<x+3 պայմանը»), այսինքն՝ y=x+2 ֆունկցիան։