Վաղ միջնադարում [[Արևմտյան Եվրոպա]]յում տարածված են եղել կիսակոնաձև, իսկ [[13-րդ դար]]ում երևան են եկել դիմակալներով սաղավարտները։ XIV-XVI-րդ դարերին բնորոշ են եղել գլուխն ամբողջապես ծածկող, վզի հովարաձև պահպանակով և դիմակալներով սաղավարտները։ [[10-րդ դար|10]]-[[12-րդ դար]]երում [[Ռուսիա]]յում գործածվել է հիմնականում սրածայր, վիգը և ուսերը պաշտպանող զրահացանցով սաղավարտներ։ [[16-րդ դար]]ում ծոծրակակալով, ականջակալով, քթակալով հովարավոր սաղավարտներ են կրել Արևմտյան Եվրոպայի հեծելազորայինները։ [[Առաջին համաշխարհային պատերազմ|Առաջին]] և [[Երկրորդ համաշխարհային պատերազմ]]ների ժամանակ կռվող բանակներում գործածվել են պողպատե սաղավարտներ։ [[20-րդ դար]]ի սկզբից սաղավարտ են կոչվում նաև օդաչուների, տանկիստների, դահուկորդների պաշտպանական հատուկ գլխարկները։