Ուժի մոմենտ

Ուժի մոմենտ, մեխանիկական մեծություն, որը բնութագրում է պինդ մարմնի վրա ներգործող ուժի պտտական ազդեցությունը։ Տարբերում են ուժի մոմենտի բևեռի (կետի) և առանցքի նկատմամբ։ Օ բևեռի նկատմամբ ուժի մոմենտ վեկտորական մեծություն է, որը հավասար է Օ բևեռից ուժի կիրառման կետը տարած շառավիղ վեկտորի և F ուժի վեկտորի վեկտորական արտադրյալին․։ Ուժի մոմենտի հաշվում են M=Frsina բանաձևով, որտեղ a-ն և F վեկտորների կազմած անկյունն է, իսկ frsina-ն՝ ուժի բազուկը, որը հավասար է ուժի ազդման գծի և Օ կետի միջև եղած հեռավորությանը։ Ուժի մոմենտի а առանցքի նկատմամբ (Ма) սկալյար մեծություն է, որը հավասար է ուժի մոմենտի վեկտորի պրոյեկցիային а առանցքի վրա՝ այդ առանցքի ցանկացած Օ կետի նկատմամբ (Ма-ի արժեքը կախված չէ Օ բևեռի ընտրությունից а առանցքի վրա)։ Ուժի մոմենտները բևեռի նկատմամբ գումարվում են երկրաչափորեն, իսկ առանցքի նկատմամբ՝ հանրահաշվորեն։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։